गुजरात निवडणुकीच्या तारख्या जाहीर का केल्या नाहीत? निवडणूक आयोगाने केलं स्पष्ट

हिमाचल प्रदेश आणि गुजरात दोन्ही राज्यांच्या विधानसभांची मुदत ६ महिन्यातच संपत आहेत. अशी स्थिती असेल तर सामान्यपणे निवडणूक आयोग अशा राज्यांच्या निवडणुका एकत्र जाहीर करून एकाच दिवशी निकालाची तारीख ठेवतो. मात्र, असं असताना निवडणूक आयोगाने गुजरात विधानसभा निवडणुकीच्या तारखा जाहीर केल्या नाहीत, केवळ हिमाचल प्रदेशच्या निवडणूक तारखा जाहीर केल्या. यामुळे असं का केलं गेलं असा प्रश्न अनेकजण विचारत आहेत.

आणखी वाचा

अन्यथा मते मागायला येणार नाही, असे उपमुख्यमंत्री अजित पवार का म्हणाले !

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

Rajnath Singh: “डॉ. आंबेडकरांना भारतरत्न नरेंद्र मोदींनी दिला”, संरक्षण मंत्री राजनाथ सिंह यांचा दावा

“पंतप्रधान मोदी यांची महाराष्ट्राला सावत्र वागणूक,” संजय सिंह यांचा आरोप

आरक्षणासाठी ५० टक्के मर्यादा तोडू! नांदेडमधील सभेत राहुल गांधींकडून मोदी लक्ष्य

‘सेफ’ राहण्यासाठी, एक होण्यापेक्षा…

बाबासाहेबांचे वारसदार कोण? आंबेडकर की गवई?

सागर मेघेंवर बंधूसह अन्य दोघांची जबाबदारी; हिंगण्यात हजेरी पण वर्धा, देवळीत प्रतीक्षाच

यावर बोलताना मुख्य निवडणूक आयुक्त राजीव कुमार म्हणाले, “दोन्ही राज्यांच्या विधानसभांची मूदत संपण्यात ४० दिवसांचा फरक आहे. नियमाप्रमाणे हे अंतर ३० दिवसांचं असायला हवं. त्यामुळे एका राज्याच्या निकालाचा दुसऱ्यावर काहीही परिणाम होणार नाही.”

“कोणत्याही नियमांचं उल्लंघन झालेलं नाही”

“निवडणुकीच्या तारखा ठरवताना हवामानासह इतर अनेक मुद्द्यांचा विचार होतो. आम्हाला हिमाचलच्या निवडणुका हिमवर्षाव सुरू होण्यापूर्वी घ्यायच्या आहेत. यासाठी आयोगाने विविध घटकांशी चर्चा केली. हे ठरवताना कोणत्याही नियमांचं उल्लंघन झालेलं नाही,” असंही राजीव कुमार यांनी नमूद केलं.

कोणत्या विधानसभेची मुदत कधी संपते?

गुजरात विधानसभेची मुदत १८ फेब्रुवारी २०२३ ला संपते आहे. १८२ सदस्य संख्या असलेल्या गुजरात विधानसभेत १११ आमदार भाजपाचे आहेत. याशिवाय काँग्रेसचे ६२ आमदार आहेत. दुसरीकडे हिमाचल प्रदेश विधानसभेची मुदत ८ जानेवारी २०२३ रोजी संपत आहे. हिमाचल प्रदेशमध्ये भाजपाचे ४५ आमदार आहेत, तर काँग्रेसचे २० आमदार आहेत.

हेही वाचा : “हे तोंडाचं गटार…”, मोदींना ‘नीच व्यक्ती’ म्हटल्याने स्मृती इराणी संतापल्या, त्यांच्या ९९ वर्षीय आईचा उल्लेख करत केजरीवालांना सुनावलं

दरम्यान, सप्टेंबरमध्येच मुख्य निवडणूक आयुक्त राजीव कुमार आणि निवडणूक आयुक्त अनुप चंद्र पांडे यांनी गुजरात आणि हिमाचल प्रदेशला भेट देऊन निवडणूक तयारीचा आढावा घेतला होता. गुजरातमध्ये त्यांनी जिल्हा निवडणूक अधिकारी, वरिष्ठ पोलीस अधिकारी आणि राष्ट्रीय पक्षांच्या प्रतिनिधींची भेट घेतली होती.