Elon Musk: “ते बाळ माझेच आहे की…”, तरुणीच्या आरोपांवर एलॉन मस्क यांची प्रतिक्रिया, म्हणाले, “मी २० कोटी रुपये दिले”

केव्हा झाली वादाची सुरुवात?

फेब्रुवारी २०२५ मध्ये २६ वर्षीय अ‍ॅशले सेंट क्लेअरने दावा केला की, तिने सप्टेंबर २०२४ मध्ये मस्क यांच्यापासून एका मुलाला जन्म दिला आहे. त्यानंतर हे प्रकरण चर्चेत आले. सेंट क्लेअरने एक्स वर जाहीर केले की, सुरुवातीला तिला तिच्या मुलाची गोपनीयता आणि सुरक्षितता जपण्यासाठी ही बातमी सार्वजनिक करायची नव्हती, परंतु टॅब्लॉइड मीडियाच्या दबावामुळे तिला याबाबत स्पष्टीकरण द्यावे लागले. यानंतर, तिने न्यू यॉर्क सर्वोच्च न्यायालयात मस्कविरुद्ध दावा दाखल केला, ज्यामध्ये मुलाचा ताबा आणि पितृत्व चाचणीची मागणी करण्यात आली होती.

एलॉन मक्स यांची पहिल्यांदाच प्रतिक्रिया

एलॉन मस्क यांनी सोमवार, ३१ मार्च रोजी या प्रकरणावर पहिल्यांदच सार्वजनिकपणे स्पष्टीकरण दिले. X वरील एका पोस्टमध्ये त्यांनी लिहिले की, “मला माहित नाही की बाळ माझे आहे की नाही. पण ते बाळ कोणाचे आहे हे शोधण्याच्या विरोधात मी नाही. इथे न्यायालयाच्या आदेशाची आवश्यकता नाही. काहीही माहित नसतानाही, मी अ‍ॅशलेला २.५ दशलक्ष डॉलर्स दिले आहेत आणि तिला दरवर्षी ५००,००० अमेरिकन डॉलर्स पाठवत आहे.”

दरम्यान अ‍ॅशले सेंट क्लेअरने एलॉन मस्क यांनी तिच्या बाल पालनपोषणाच्या निधीत ६०% कपात केल्याचा दावा केला आहे. यामुळे तिला तिची टेस्ला विकावी लागली, असेही क्लेअरने म्हटले आहे. तिच्या या दाव्यानंतर एलॉन मस्क यांनी या प्रकरणावर पहिल्यांदा भाष्य केले.

कोण आहे अ‍ॅशले सेंट क्लेअर?

अ‍ॅशले सेंट क्लेअरने ‘एलिफंट्स आर नॉट बर्ड्स’ हे पुस्तक लिहिले असून, यामुळे ती प्रसिद्धीझोतात आली होती. या पुस्तकातून तिने रूढीवादी दृष्टिकोन मांडले आहेत. याचबरोबर ती बॅबिलोन बी या व्यंगचित्र संकेतस्थळासाठी देखील लेखन करते. याचबरोबर उजव्या विचारसरणीकडे कल असलेली अ‍ॅशले सेंट क्लेअर सतत विविध विषयांवर आक्रमकपणे व्यक्त होत असते.