Video: “मला ‘गे’ म्हणाले नी आता पार्श्वभागावर ‘चापट’ मारायचीय”, जो बायडेन यांची एलॉन ‘मस्क’री!

अमेरिकेतली अध्यक्षपदाची निवडणूक आता अंतिम टप्प्यात आली आहे. डेमोक्रॅटिक पक्षाच्या उमेदवार कमला हॅरिस व रिपब्लिकन पक्षाचे उमेदवार डोनाल्ड ट्रम्प यांच्यामध्ये शेवटच्या टप्प्यात काँटे की टक्कर पाहायला मिळत आहे. एकीकडे डोनाल्ड ट्रम्प यांच्या आक्रमक भाषणांच्या जोरावर मैदान मारून नेण्याचा प्रयत्न करत असताना दुसरीकडे कमला हॅरिस अमेरिकन जनतेबरोबरच अमेरिकेतील इतर देशांमधील नागरिक व स्थानिक गटांना साद घालत विजयासाठी प्रयत्न करत आहेत.

आणखी वाचा

Sisamau Bypolls 2024: कानपूरमध्ये सपा उमेदवाराने मंदिरात पूजा केल्याने राजकीय वाद; नसीम सोलंकी यांच्याविरोधात काढला फतवा

Amit Shah : UCC बाबत अमित शाह यांची…

हिंदू भाविकांवरील हल्ला कॅनडा प्रशासनाचं कारस्थान? व्हायरल Video मध्ये महिलेचा टाहो; म्हणाली, “हाच तो”!

सरन्यायाधीश डी.वाय. चंद्रचूड एक्स्प्रेस अड्डावर! कार्यक्रम पाहा लाइव्ह

Kolkata Rape and Murder : “मला अडकवलं जातं आहे, कारण..” ; आर.जी. कर बलात्कार आणि हत्या प्रकरणातला आरोपी संजय रॉय काय म्हणाला?

IAS Whatsapp Group Controversy : IAS अधिकाऱ्याच्या व्हॉट्सअ‍ॅप ग्रुपवरून मोठा गोंधळ; केरळ सरकार करणार चौकशी, तर फोन हॅक झाल्याचा अधिकाऱ्याचा दावा

Mig 29 Crasesh : भारतीय हवाई दलाचे मिग २९ लढाऊ विमान कोसळले; जमिनीवर कोसळताच आगीत भस्मसात!

Bangladesh Power Supply Alert : अदानी पॉवरचा बांगलादेशला वीज खंडित करण्याचा इशारा; मोहम्मद युनूस सरकार थकीत वीज बिल भरणार?

US Election 2024 : डोनाल्ड ट्रम्प यांच्या विजयासाठी भारतात होमहवन; दिल्लीत धर्मगुरूंनी केली प्रार्थना!

जो बायडेन विरुद्ध एलॉन मस्क कलगीतुरा!

टेस्लाचे सीईओ एलॉन मस्क यांनी डोनाल्ड ट्रम्प यांना पाठिंबा दर्शवल्यानंतर ट्रम्प यांचं पारडं जड झाल्याचं चित्र निर्माण झालं. त्यामुळे आता बायडेन यांच्याकडून ट्रम्प यांच्याबरोबरच एलॉन मस्क यांनाही लक्ष्य केलं जाऊ लागलं आहे. या दोघांमधल्या अशाच एका आरोप-प्रत्यारोपांची सध्या सोशल मीडियावर चर्चा होऊ लागली आहे.

जो बायडेन यांची शनिवारी पेनसिल्वानियामध्ये प्रचारसभा झाली. यावेळी त्यांनी विरोधी पक्षाचे उमेदवार डोनाल्ड ट्रम्प आणि त्यांच्या समर्थकांवर तोंडसुख घेतलं. “ट्रम्प आणि त्यांच्या समर्थक मित्रांना श्रीमंतांचे कर मोठ्या प्रमाणावर कमी करायचे आहेत. मी तुम्हाला सांगतो, मी जेव्हा स्क्रँटनमध्ये होतो, तेव्हा आम्हाला संध्याकाळी रस्त्यावरून फिरायला अडचणी यायच्या. हीदेखील (ट्रम्प व त्यांचे समर्थक) अशीच माणसं आहेत, ज्यांच्या पार्श्वभागावर तुम्हाला चापट मारावीशी वाटेल”, असं जो बायडेन म्हणाले.

अमेरिकेतील प्रचार अखेरच्या टप्प्यात, कमला हॅरिस लोकप्रिय टीव्ही कार्यक्रमात ; ट्रम्प यांचा उत्तर कॅरोलिनावर भर

डोनाल्ड ट्रम्प यांचं बायडेन यांना प्रत्युत्तर!

दरम्यान, जो बायडेन यांच्या या टीकेला डोनाल्ड ट्रम्प यांनी त्यांच्या शैलीत प्रत्युत्तर दिलं. “मला तर माहितीही नाही, जो बायडेन अजूनही प्रचारात आहेत का?” असा खोचक सवाल ट्रम्प यांनी नॉर्थ कॅरोलिनामधील एका प्रचारसभेत विचारला.

एलॉन मस्क यांची मिश्किल पोस्ट व्हायरल

बायडेन यांना ट्रम्प यांनी दिलेल्या उत्तरापेक्षाही एलॉन मस्क यांची खोचक टिप्पणी जास्त व्हायरल होऊ लागली आहे. एलॉन मस्क यांनी बायडेन यांच्या त्या विधानाचा व्हिडीओ रीट्वीट केला. त्यावरच्या पोस्टमध्ये ते म्हणाले, “या व्यक्तीने मला गे म्हटलं. आता या व्यक्तीला माझ्या पार्श्वभागावर चापट मारायचीये”! मस्क यांच्याप्रमाणेच नेटिझन्सकडून एक्स या सोशल मीडिया अकाऊंटवरून खोचक शब्दांत टीका केली जात आहे.