‘ईव्हीएम’बाबतच्या याचिकेवर सुनावणीची तयारी

 उत्तर प्रदेश, गोवा, पंजाब, मणिपूर व उत्तराखंड या पाच राज्यांतील आगामी विधानसभा निवडणुकांच्या पार्श्वभूमीवर या याचिकेची सुनावणी होणे गरजेचे आहे, हे वैयक्तिकरीत्या ही याचिका करणाऱ्या अ‍ॅड. एम. एल. शर्मा यांचे म्हणणे सरन्यायाधीश एन. व्ही. रमण यांच्या अध्यक्षतेखालील खंडपीठाने ऐकून घेतले. याचिका इतर खंडपीठापुढेही सुनावणीसाठी ठेवली जाऊ शकते, असे त्यांनी सांगितले.

 ईव्हीएमच्या वापराला परवानगी देणारे लोकप्रतिनिधित्व कायद्याचे कलम ६१ अ हे संसदेने पारित केले नव्हते व त्यामुळे ते लागू केले जाऊ शकत नाही, असे शर्मा यांनी याचिकेत म्हटले आहे.