राम मंदिर भूमिपूजन सोहळ्याबाबत फराह खान अली म्हणते…

एकीकडे राम मंदिराच्या भूमिपूजन सोहळ्याचा उत्साह आहे. तर दुसरीकडे सोशल मीडियावर या सोहळ्याला विरोध करणारे चर्चासत्र सुरु आहेत. यामध्येच फराह खान अलीचं ट्विट साऱ्यांचं लक्ष वेधून घेत आहे.

“मंदिर किंवा मस्जिद या दोघांपैकी आपल्याला एकाचीच का निवड करावी लागत आहे. मी दोघांकडे धार्मिक स्थळं म्हणूनच पाहते. आजकाल प्रत्येक गोष्टीचा राजकीय वळण मिळत आहे. आपल्याला चांगुलपणामधील एक टक्का भाग सुद्धा वाचवता आला नाही का? आपण दोन्ही धर्मांना समसमान प्रेम आणि आदर देऊ शकत नाही का?..पण मी असं करते”,असं ट्विट फराह खान अलीने केलं आहे.

दरम्यान, फराहचं हे ट्विट सध्या सोशल मीडियावर चांगलंच चर्चिलं जात आहे.अनेक वेळा फराह सोशल मीडियावर व्यक्त होत असते. काही दिवसांपूर्वीच तिने सोशल मीडियाव्दारे देशात धार्मिक तेढ निर्माण करणाऱ्यांवर टीकास्त्र डागलं होतं.