काश्मीरमधील दहशतवादी हल्ल्यानंतर फारुख अब्दुल्ला आक्रमक, पाकिस्तानला इशारा देत म्हणाले…

गांदरबल जिल्ह्यातील गगनगीर भागात दहशतवाद्यांनी रविवारी (२० ऑक्टोबर) काही स्थलांतरित नागरिकांवर हल्ला केला. या हल्ल्यात सहा मजुरांचा जागीच मृत्यू झाला आहे. तसेच एका डॉक्टरचीही हत्या करण्यात आली आहे. या दहशतवादी हल्ल्यात अनेक जण जखमी झाल्याचं वृत्तही समोर आलं आहे. हे मजूर बोगद्याच्या प्रकल्पात काम करत होते. काम करत असतानाच हा हल्ला झाला आहे. या घटनेवर प्रतिक्रिया देताना फारुख अब्दुल्ला म्हणाले, “ही खूप दुर्दैवी घटना आहे. अनेक गरीब मजूर कुटुंबाचं पालनपोषण करण्यासाठी काही पैसे कमावण्याच्या आशेने काश्मीरमध्ये येतात. त्या गरिबांना दहशतवाद्यांनी शहीद केलं आहे. काश्मिरी लोकांची सेवा करणारे एक डॉक्टर या हल्ल्यात मारले गेले आहेत”.

आणखी वाचा

इस्रायलचे पंतप्रधान नेत्यानाहूंच्या घरावर ड्रोन हल्ला; हमासच्या नेत्याची हत्या होताच मोठी घडामोड

२१ ऑक्टोबर पंचांग: मेष, सिंहसह ‘या’ राशींची इच्छापूर्ती…

“परदेशात जाऊन देशाचा अपमान करणाऱ्यांना…”, हरियाणातील विजयानंतर अमित शाहांचा राहुल गांधीवर हल्लाबोल!

Israel vs Iran War: ‘इस्रायलनं सर्वात आधी इराणच्या अणुआस्थापनांवर हल्ले करावेत’, ट्रम्प यांच्या सल्ल्यामुळे चिंता वाढली

Israel Attack : इस्रायल- लेबनॉनदरम्यान वाढत्या संघर्षावर मोदींचा थेट बिन्यामिन नेतान्याहू यांना फोन; म्हणाले, “जगात…”

हेजबोलाचा आणखी एक नेता ठार; इस्रायलचे लेबनॉनवरील हल्ले सुरूच

लेबनॉनमधील हेजबोलानंतर इस्रायलचा हुथी बंडखोरांवर हवाई हल्ला; येमेनमधील होदेदाह बंदराला केलं लक्ष्य!

Israel Hezbollah War : इस्रायलचा हेजबोलावर घाव! हवाई हल्ल्यात दहशतवादी हसन नसराल्लाहचा खात्मा; IDF ची माहिती

हे ही वाचा >> Supreme Court : मोठी बातमी! राज्य घटनेतील ‘हिंदुत्व’ हा शब्द बदलण्याची मागणी करणारी याचिका सर्वोच्च न्यायालयाने फेटाळली

फारुख अब्दुल्ला काय म्हणाले?

फारुख अब्दुल्ला म्हणाले, “या क्रूर हैवानांना त्या गरीब बिचाऱ्या मजुरांना मारून काय मिळणार आहे? अशा हत्या करून काश्मीरचा पाकिस्तान करता येईल असं त्यांना वाटतंय का? अनेक वर्षांपासून लोक येथे येत आहेत. हा तणाव मिटावा असं आम्हाला वाटतं. आपण या कठीण परिस्थितीतून बाहेर पडू. मात्र, मला पाकिस्तानमधील राज्यकर्त्यांना सांगायचं आहे की त्यांना खरोखर भारताशी चांगले संबंध हवे असतील तर ही असली कृत्ये त्यांना थांबवावी लागतील. काश्मीर पाकिस्तान होणार नाही, होणार नाही, होणार नाही.

हे ही वाचा >> Rohini Blast : दिल्लीतील स्फोटामागे खलिस्तानी समर्थकांचा गट? टेलिग्राम चॅनेलवरील व्हिडिओमुळे खळबळ!

जम्मू काश्मीरचे माजी मुख्यमंत्री पाकिस्तानला उद्देशून म्हणाले, “काश्मीरच्या प्रतिष्ठेला कोणीही धक्का लावू नये. कृपा करून आमच्या काश्मीरचाही विकास होऊ द्या. तुम्ही अजून किती दिवस हल्ले करत राहणार? १९४७ पासून तुम्ही लोकांनी हा हिंसाचार सुरू केला, जो आजही चालू आहे. निष्पाप लोकांना मारलंत, एवढं सगळं करून काश्मीरचा पाकिस्तान झाला का? गेल्या ७५ वर्षांत टोकाचा हिंसाचार करून काश्मीरचा पाकिस्तान झाला नाही तर आज कसा काय बनेल? तुम्ही लोक तुमचा देश बघा. आमच्या लोकांची काळजी घ्यायला आम्ही समर्थ आहोत. आम्हाला आमचं नशीब बदलायचं आहे.