सिरम इन्स्टिट्यूटमध्ये ‘कोवोव्हॅक्स’ लसीच्या उत्पादनाला सुरुवात

“या आठवड्यात नोवाव्हॅक्सकडून विकसित केलेली करोनावरील कोवोव्हॅक्स लसींचं उत्पादन सुरु करण्यात आलं आहे. पहिली खेप लवकरच तयार होईल.”, असं सिरम इन्स्टिट्यूटकडून सांगण्यात आलं आहे. सिरम इन्स्टिट्यूटमध्ये ऑक्सफर्ड-एस्ट्राजेनेकाच्या कोविशिल्ड लसीचंही उत्पादन होत आहे. “या आठवड्यात पुण्यात कोवोव्हॅक्सच्या पहिल्या खेपेचं उत्पादन होत असल्याने उत्साहित आहे. ही व्हॅक्सिन १८ वर्षाखालील व्यक्तींसाठी सुरक्षित आहे. ट्रायल अजूनही सुरु आहे. शानदार टीम”, असं ट्वीट सिरम इन्स्टिट्यूटचे कार्यकारी अधिकारी अदार पूनावाला यांनी केलं आहे.

करोनावर कोवोव्हॅक्स लसीचे दोन डोस प्रभावी असल्याचं अभ्यासातून समोर आलं आहे. अमेरिकेत झालेल्या ट्रायलमध्ये गंभीर संक्रमित रुग्णांवर लस ९१ टक्के प्रभावी असल्याचं दिसून आलं आहे. तर मध्यम आणि हलक्या स्वरुपाच्या संक्रमणावर १०० टक्के प्रभावी असल्याचं दिसून आलं आहे.