काँग्रेसअंतर्गत घडामोडींना वेग; ‘इंडिया’च्या जागावाटपासाठी वाटाघाटींना आठवडय़ाभरात गती?

दिल्लीत झालेल्या ‘इंडिया’च्या बैठकीमध्ये घटक पक्षांनी जागावाटपावर वर्षांअखेरीपर्यंत निर्णय घेण्याची मागणी केली होती. मात्र, जागावाटपाबाबत पक्षांतर्गत चर्चा केल्याशिवाय घटक पक्षांशी बोलणी न करण्याचे काँग्रेसने ठरवले होते. काँग्रेसने नेमलेल्या महासचिव मुकुल वासनिक यांच्या राष्ट्रीय आघाडी समितीने गेल्या शुक्रवार व शनिवार या दोन दिवसांमध्ये विविध राज्यांतील पक्षाच्या नेत्यांशी दिल्लीत बैठका घेतल्या. त्याचा अहवाल खरगेंना सादर केला जाणार असून त्याआधारे गुरुवारी होणाऱ्या बैठकीमध्ये ‘इंडिया’तील घटक पक्षांशी होणाऱ्या बोलणीमध्ये वेगवेगळय़ा राज्यांमध्ये काँग्रेसने किती जागांवर दावा सांगायचा हेही निश्चित केले जाऊ शकेल.

आणखी वाचा

Ladki Bahin Yojana : लाडक्या बहि‍णींना जानेवारीचा हप्ता कधी मिळणार? १५०० रुपये मिळणार की २१०० रुपये? आदिती तटकरेंनी दिली मोठी माहिती

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

कर्नाक पूल जूनपर्यंत सुरू होण्याची शक्यता; दुसरी तुळई लवकरच स्थापित करणार, मध्य रेल्वेकडून ब्लॉकची प्रतीक्षा

ठाणे वाहतूक शाखेच्या विभाजनाचा प्रस्ताव, वाहतूक कोंडीवर मात करण्यासाठी ठाणे पोलिसांची निर्णय

सोयाबीन खरेदीस ३१ जानेवारीपर्यंत मुदतवाढ; मुख्यमंत्र्यांची मागणी केंद्रीय कृषीमंत्र्यांकडून मान्य

आठवड्याभरात शक्तिपीठ महामार्गाच्या भूसंपादनाला सुरुवात; कोल्हापूर वगळता ११ जिल्ह्यांतील ८२०० हेक्टर जमिनीचे संपादन

India’s Most Congested City in 2024 : सर्वाधिक गर्दीच्या शहरांच्या यादीत पुणे तिसऱ्या स्थानावर; मुंबईचं स्थान कितवं? नवं सर्वेक्षण काय सांगतं?

Ladki Bahin Yojana : “…अन्यथा दंडासह रक्कम वसूल करण्यात येईल”, लाडकी बहीण योजनेबाबत छगन भुजबळांचं मोठं विधान

हेही वाचा >>>जपानमध्ये किनारपट्टीच्या भागात डझनभरहून अधिक भूकंपाचे धक्के, घरांचं नुकसान, रस्त्यांना भेगा अन्…

महाराष्ट्रात शिवसेना-ठाकरे गट व काँग्रेस यांच्यामध्ये जागावाटपाचा वाद तीव्र झाला आहे. दिल्लीतील ‘इंडिया’च्या बैठकीवेळी उद्धव ठाकरे व राहुल गांधी यांची चर्चा झाली होती. त्यानंतर राहुल गांधी व शरद पवार यांच्यामध्येही बैठक झाली होती. पंजाबमध्ये प्रदेश काँग्रेसचे नेते स्वतंत्र लढण्याचा पर्याय देत आहेत. दिल्लीमध्ये ‘आप’शी जागांची बोलणी करण्यावरही निर्णय घ्यावा लागणार आहे. राहुल गांधी व खरगे यांनी गेल्या काही दिवसांमध्ये मध्य प्रदेश, राजस्थान, छत्तीसगढ, पंजाब, दिल्ली, उत्तर प्रदेश आदी राज्यांतील नेत्यांशीही सल्लामसलत केली आहे. बैठकीनंतर ‘इंडिया’तील घटक पक्षांशी वाटाघाटी होतील.

भारत न्याय यात्रा, जाहीरनाम्यावरही चर्चा

खरगेंनी बोलावलेल्या या बैठकीला प्रदेशाध्यक्ष, प्रभारी, विधिमंडळ पक्षाचे नेते उपस्थित राहणार असून लोकसभा निवडणुकीच्या तयारीसह ‘भारत न्याय यात्रे’संदर्भातील तपशीलही निश्चित केला जाणार आहे. या यात्रेचा नेमका मार्ग, बोधचिन्ह तसेच, १४ राज्यांतील रुपरेखा या अनुषंगाने चर्चा केली जाणार आहे. याशिवाय, काँग्रेसचे वरिष्ठ नेते पी. चिदंबरम यांच्या अध्यक्षतेखाली नेमलेल्या जाहीरनामा समितीचीही गुरुवारी बैठक होणार आहे.