अॅम्ब्युलन्समध्ये लघुशंका करण्यासाठी ड्रायव्हरने पेशंटला काढलं बाहेर

स्ट्रेचरवरील रुग्णाचे पाय रुग्णावाहिकेच्या आत तर डोके जमिनीच्या दिशेने दिसत आहे. स्ट्रेचरवरील रुग्णाचा २० मार्च रोजी पलक्कड जिल्ह्यात अपघात झाला होता. राष्ट्रीय महामार्गावर रस्ता ओलांडत असताना एका दुचाकीने दिलेल्या धडकेत ती व्यक्ति जखमी झाली होती. जखमी व्यक्तिला आधी पलक्कड येथील हॉस्पिटलमध्ये दाखल केले होते. त्यानंतर अधिक चांगल्या उपचारासाठी त्या रुग्णाला थ्रिसूर येथील रुग्णालयात हलवण्यात येत असताना रात्री साडेआठच्या सुमारास ही धक्कादायक घटना घडली.

पोलिसांनी रुग्णवाहिकेच्या चालकाविरोधात गुन्हा दाखल केला आहे. कलम ३३४ अंतर्गत गुन्हा दाखल केला आहे. या रुग्णाचा नंतर मृत्यू झाला. या रुग्णाला थ्रिसूर येथे आणत असताना त्याच्यासोबत कोणीही कुटुंबिय नव्हते. पलक्कड रुग्णालयाचे कर्मचारी त्याच्यासोबत होते. रुग्णावाहिका रुग्णालयाच्या आवारात पोहोचल्यानंतर कर्मचारी ग्लोव्हज घेण्यासाठी काऊंटरच्या दिशेने धावले तितक्यात वाहन चालकाने स्ट्रेचर बाहेर काढून ठेवली.