कोलकाता
पश्चिम बंगालमधील कथित स्वस्त धान्य घोटाळय़ाच्या संबंधात सक्तवसुली संचालनालयाने (ईडी) शनिवारी बनगाव नगरपालिकेचे माजी अध्यक्ष शंकर आद्या यांना अटक केली. त्यानंतर त्यांच्या समर्थकांनी आपल्या अधिकाऱ्यांचा रस्ता अडवण्याचा प्रयत्न केला तसेच वाहनांवर दगडफेक केली असा आरोप ईडीकडून करण्यात आला. यावेळी केंद्रीय राखीव पोलीस दलाच्या पोलिसांनी जमावावर लाठीमार केला.
दरम्यान, शुक्रवारी जमावाच्या हल्ल्यात जखमी झालेल्या ईडीच्या तीन अधिकाऱ्यांची प्रकृती स्थिर आहे. ज्यांच्या समर्थकांनी अधिकाऱ्यांवर हल्ला केला होता, ते तृणमूल काँग्रेसचे नेते शहाजहान शेख यांच्यासाठी ईडीने ‘लुकआऊट नोटीस’ जारी केली आहे.
हेही वाचा >>> बांगलादेशात आज कडेकोट बंदोबस्तात मतदान
उत्तर २४ परगणा जिल्ह्यातील तृणमूल काँग्रेसचे नेते आद्या आणि त्यांच्या कुटुंबीयांशी संबंधित मालमत्तांवर छापे घातल्यानंतर आद्या यांना बनगावमधील त्यांच्या निवासस्थानातून अटक करण्यात आली. ‘या छाप्यांसोबतच आद्या यांची चौकशीही करण्यात आली. त्यांची उत्तरे समाधानकारक नसल्यामुळे त्यांना अटक करण्यात आली’, असे ईडीच्या एका अधिकाऱ्याने सांगितले.
दरम्यान, विविध घोटाळय़ांमध्ये अटक करण्यात आलेल्या तृणमूल काँग्रेसच्या नेत्यांना राज्याबाहेरील कारागृहांमध्ये ठेवण्यात यावे, अशी मागणी भाजपने केली आहे.
हेही वाचा >>> लोकांच्या प्रश्नांवर यात्रा! संसदेत महत्त्वाचे मुद्दे उपस्थित करू न दिल्याचा काँग्रेस अध्यक्षांचा आरोप
शहाजहान शेखविरुद्ध नोटीस
तृणमूलचे नेते शहाजहान शेख यांच्या समर्थकांनी छाप्यादरम्यान ईडीच्या अधिकाऱ्यांवर हल्ला केल्यानंतर दुसऱ्या दिवशी, शनिवारी ईडीने शेख यांच्यासाठी ‘लुकआऊट नोटीस’ जारी केल्याची माहिती एका अधिकाऱ्याने दिली.
जखमी अधिकाऱ्यांची प्रकृती स्थिर
दरम्यान, संदेशखाली येथील शुक्रवारच्या हल्ल्यात जखमी झालेल्या ईडीच्या तीन अधिकाऱ्यांची प्रकृती सुधारली असून ती आता स्थिर आहे. दोन अधिकाऱ्यांना लवकर सुटी मिळू शकते, असे डॉक्टरांनी सांगितले.
पश्चिम बंगालमधील कथित स्वस्त धान्य घोटाळय़ाच्या संबंधात सक्तवसुली संचालनालयाने (ईडी) शनिवारी बनगाव नगरपालिकेचे माजी अध्यक्ष शंकर आद्या यांना अटक केली. त्यानंतर त्यांच्या समर्थकांनी आपल्या अधिकाऱ्यांचा रस्ता अडवण्याचा प्रयत्न केला तसेच वाहनांवर दगडफेक केली असा आरोप ईडीकडून करण्यात आला. यावेळी केंद्रीय राखीव पोलीस दलाच्या पोलिसांनी जमावावर लाठीमार केला.
दरम्यान, शुक्रवारी जमावाच्या हल्ल्यात जखमी झालेल्या ईडीच्या तीन अधिकाऱ्यांची प्रकृती स्थिर आहे. ज्यांच्या समर्थकांनी अधिकाऱ्यांवर हल्ला केला होता, ते तृणमूल काँग्रेसचे नेते शहाजहान शेख यांच्यासाठी ईडीने ‘लुकआऊट नोटीस’ जारी केली आहे.
हेही वाचा >>> बांगलादेशात आज कडेकोट बंदोबस्तात मतदान
उत्तर २४ परगणा जिल्ह्यातील तृणमूल काँग्रेसचे नेते आद्या आणि त्यांच्या कुटुंबीयांशी संबंधित मालमत्तांवर छापे घातल्यानंतर आद्या यांना बनगावमधील त्यांच्या निवासस्थानातून अटक करण्यात आली. ‘या छाप्यांसोबतच आद्या यांची चौकशीही करण्यात आली. त्यांची उत्तरे समाधानकारक नसल्यामुळे त्यांना अटक करण्यात आली’, असे ईडीच्या एका अधिकाऱ्याने सांगितले.
दरम्यान, विविध घोटाळय़ांमध्ये अटक करण्यात आलेल्या तृणमूल काँग्रेसच्या नेत्यांना राज्याबाहेरील कारागृहांमध्ये ठेवण्यात यावे, अशी मागणी भाजपने केली आहे.
हेही वाचा >>> लोकांच्या प्रश्नांवर यात्रा! संसदेत महत्त्वाचे मुद्दे उपस्थित करू न दिल्याचा काँग्रेस अध्यक्षांचा आरोप
शहाजहान शेखविरुद्ध नोटीस
तृणमूलचे नेते शहाजहान शेख यांच्या समर्थकांनी छाप्यादरम्यान ईडीच्या अधिकाऱ्यांवर हल्ला केल्यानंतर दुसऱ्या दिवशी, शनिवारी ईडीने शेख यांच्यासाठी ‘लुकआऊट नोटीस’ जारी केल्याची माहिती एका अधिकाऱ्याने दिली.
जखमी अधिकाऱ्यांची प्रकृती स्थिर
दरम्यान, संदेशखाली येथील शुक्रवारच्या हल्ल्यात जखमी झालेल्या ईडीच्या तीन अधिकाऱ्यांची प्रकृती सुधारली असून ती आता स्थिर आहे. दोन अधिकाऱ्यांना लवकर सुटी मिळू शकते, असे डॉक्टरांनी सांगितले.
