“…तर सरकारी नोकरी आणि पासपोर्ट मिळणार नाही”, काश्मीर प्रशासनाचा आदेश

जम्मू काश्मीरचा विशेष दर्जा संपुष्टात येऊन दोन वर्षे पूर्ण झाली आहेत. काश्मीर खोरं गेल्या अनेक वर्षांपासून दहशतवादी कारवायांनी धुमसत होतं. मात्र विशेष दर्जा संपुष्टात आल्याने काश्मीरमध्ये शांततापूर्ण वातावरण दिसत आहे. गेल्या काही वर्षात दहशतवाद्यांना चोख उत्तर दिलं जात आहे. असं असलं तरी देशाविरोधात षडयंत्र काही कमी होताना दिसत नाही. स्थानिकांची माथी भडकावून देशविरोधी कारवायांना प्रोत्साहन दिलं जात आहे. या पार्श्वभूमीवर जम्मू काश्मीर प्रशासनाने एक आदेश जारी केला आहे. या आदेशामुळे देशविरोधी कृत्य आणि दगडफेक करणाऱ्यांना सरकारी नोकरी आणि पासपोर्ट मिळणार नाही, असं स्पष्ट करण्यात आलं आहे. काश्मीरमध्ये दगडफेक करणाऱ्यांसाठी हा कठोर इशारा आहे. जम्मू काश्मीरच्या गुन्हे अन्वेषन विभागाने हा आदेश दिला आहे.