Full List of Trump’s Tariff: डोनाल्ड ट्रम्प यांनी कोणत्या देशावर किती टक्के कर आकारला? भारतावर २६ टक्के तर पाकिस्तानवर…

डोनाल्ड ट्रम्प यांनी स्पष्ट केली भूमिका

दरम्यान, डोनाल्ड ट्रम्प यांनी पंतप्रधान नरेंद्र मोदींचं नाव घेत आपली भूमिका स्पष्ट केली आहे. “भारताच्या पंतप्रधानांचा नुकताच दौरा आटोपला. ते माझे खूप चांगले मित्र आहेत. पण मी त्यांना म्हणालो, ‘तुम्ही चांगले मित्र आहात, पण तुम्ही आम्हाला चांगली वागणूत देत नाही’. ते आपल्यावर ५२ टक्के व्यापार कर आकारतात. पण आपण मात्र त्यांच्यावर गेल्या कित्येक वर्षांपासून जवळपास शून्य कर आकारत आलो”, असं डोनाल्ड ट्रम्प म्हणाले.

“ही दयाळू कर आकारणी”

दरम्यान, या अतिरिक्त करआकारणीचं डोनाल्ड ट्रम्प यांनी समर्थन केलं आहे. “मी या धोरणाला दयाळू समन्यायी व्यापार कर असं म्हणेन. हे खरंतर पूर्णपणे जशास तसे कर नाहीत. आम्ही त्यांच्याकडून आकारल्या जाणाऱ्या कराचे दर फक्त निम्मे केले आहेत. त्यांना अडचण असेल तर त्यावरचं उत्तर खूप सोपं आहे. जर तु्मची काही तक्रार असेल, जर तुम्हाला हे व्यापार कर शून्य हवे असतील तर तुम्ही तुमची उत्पादनं थेट अमेरिकेत तयार करा. इथे कोणतेही व्यापार कर नाहीत”, असं डोनाल्ड ट्रम्प पत्रकार परिषदेत म्हणाले.

कोणत्या देशावर किती टक्के Reciprocal Tariff?

याव्यतिरिक्तच्या इतर सर्व देशांवर सरसकट १० टक्के आयात कर लागू करण्यात आला आहे.

चीन व व्हिएतनामपेक्षा कमी दर

डोनाल्ड ट्रम्प यांनी चीनवर ३४ टक्केतर व्हिएतनामवर तब्बल ४६ टक्के समन्यायी व्यापार कर लागू केला आहे. अमेरिकन बाजारपेठेत भारताला चीन व व्हिएतनाम या दोन्ही देशांकडून मोठ्या स्पर्धेचा सामना करावा लागतो. याशिवाय, थायलंडवर ३६ टक्के, इंडोनेशियावर ३२ टक्के कर लागू करण्यात आला आहे. या पार्श्वभूमीवर याचा भारताला एका अर्थाने फायदाच होणार असल्याचं बोललं जात असलं, तरी इतर आशियायी देशांपेक्षा भारतावर लागू केलेला व्यापार कर जास्त आहे.