दुबईतल्या बुर्ज खलिफावर झळकली महात्मा गांधींची छबी

राष्ट्रपती महात्मा गांधी यांचे कार्य आणि त्यामुळे त्यांना दिला जाणारा मान हा देशाच्या दृष्टीने मोठा आहे. भारतात गांधीना ज्याप्रमाणे मान दिला जातो त्याचप्रमाणे परदेशातही त्यांच्या कामाचे कौतुक होताना दिसते. याचेच एक उदाहरण नुकतेच पाहायला मिळाले. गांधींच्या मृत्यूला इतकी वर्षे होऊनही दुबईसारख्या देशातही या महानेत्याची आजही दखल घेतली जाते. २ ऑक्टोबरला १५० व्या गांधीजयंतीच्या निमित्ताने दुबईच्या बुर्ज खलिफावरुन गांधींना मानवंदना देण्यात आली. त्यामुळे बुर्ज खलिफाचा नजारा अतिशय पाहण्यासारखा दिसत होता. भारताच्या ध्वजातील केशरी, पांढरा आणि हिरवा अशा रंगांची रोषणाई या बुर्ज खलिफावर करण्यात आली होती. याबरोबरच त्याच्या मध्यभागी गांधीजींचा चेहराही काढण्यात आला होता.