गौरी लंकेश हत्या प्रकरण: आरोपी मोहन नायकच्या जामिनाविरोधात कविता लंकेश सर्वोच्च न्यायालयात

कविता लंकेश यांच्यासह एसआयटी अर्थात विशेष तपास समितीनेही या जामिनाच्या विरोधात अर्ज दाखल केला आहे अशी माहिती पोलीस सूत्रांनी दिली आहे. कविता लंकेश या प्रतिथयश फिल्ममेकर आहेत. त्यांनी १५ डिसेंबर २०२३ या दिवशी याचिका दाखल केली आहे. कर्नाटक उच्च न्यायालयाने मोहन नायकला जामीन कसा मंजूर केला? असा प्रश्नही याचिकेत विचारण्यात आला आहे. इंडियन एक्स्प्रेसने या विषयीचं वृत्त दिलं आहे.

आणखी वाचा

मुंबई : आरोपीचा न्यायालातून पळून जाण्याचा प्रयत्न, गुन्हा दाखल

Economic Survey: आर्थिक सर्वेक्षण अहवाल सांगतोय २०२५ हे…

वाल्मिक कराडच्या आर्थिक व्यवहारांच्या ईडी चौकशीचे आदेश द्या, जनहित याचिकेद्वारे उच्च न्यायालयात मागणी

आरोपींनाही गोपनीयतेचा मूलभूत अधिकार आहेच!

भटक्या श्वानांना खायला घालण्यापासून रहिवाशाला रोखू नका, उच्च न्यायालयाचे नवी मुंबईस्थित गृहनिर्माण संस्थेला आदेश

Walmik Karad : खंडणी प्रकरणातला आरोपी वाल्मिक कराडला १४ दिवसांची न्यायालयीन कोठडी, बीड न्यायालयाचा निर्णय

Anjali Damania: संतोष देशमुख हत्या प्रकरणातील आरोपीला विशेष वागणूक? बीडऐवजी लातूर कारागृहात ठेवल्याचा अंजली दमानियांचा आरोप

आरोपीला सैफच्या घरी नेऊन तपास

आरोपी मोहन नायक हा सनातन संस्थेशी संबंधित आहे. त्याने डिसेंबरच्या आधी ज्या याचिका दाखल केल्या होत्या त्या फेटाळण्यात आल्या होत्या. मात्र डिसेंबरमध्ये त्याची याचिका मंजूर करण्यात आली. आता या प्रकरणी कविता लंकेश यांनी सर्वोच्च न्यायालयात याचिका दाखल केली आहे.

गौरी लंकेश यांची २०१७ मध्ये हत्या

पत्रकार गौरी लंकेश यांची ५ सप्टेंबर २०१७ रोजी हत्या करण्यात आली. त्यांना बंगळुरुतल्या त्यांच्या राहत्या घराच्या बाहेर गोळ्या झाडून ठार करण्यात आलं. त्यांच्या छातीवर आणि डोक्यावर गोल्या लागल्या होत्या. हा हल्ला इतका भयानक होता की गौरी लंकेश यांचा जागीच मृत्यू झाला. गौरी लंकेश यांच्या हत्येचे पडसाद देशभरात उमटले होते. गौरी लंकेश या विवेकवादी विचारसरणीच्या होत्या. त्यांच्या हत्येनंतर पत्रकार आणि बुद्धिजिवींनी शांततेच्या मार्गाने रोष व्यक्त केला होता. तसंच दिल्लीच्या प्रेस क्लब या ठिकाणी आणि जंतर-मंतर मध्ये शांततापूर्ण धरणे आंदोलन केलं होतं.