जाणून घ्या समलैंगिकतेबाबत इतर देशातील कायदे काय सांगतात

– इराण, सूदान, सौदी अरेबिया, येमेन, सोमालियाचा काही भाग आणि उत्तर नायजेरियामध्ये शरीया कायद्यानुसार, समलैंगिक संबंध ठेवल्यास मृत्यूदंडाची शिक्षा आहे.

– अफगाणिस्तान, पाकिस्तान, कतार आणि संयुक्त अमर अमीरातीमध्येही समलैंगिक संबंधांसाठी मृत्यूची शिक्षा आहे. मात्र अद्याप याबाबतचा निर्णय आलेला नाही.

– ऑस्ट्रेलियामध्ये २०१७ पासून समलैंगिक विवाहाला मान्यता मिळाली. अशाप्रकारची मान्यता मिळणारा हा जगातील २६ वा देश आहे.

– जर्मनीमध्येही बऱ्याच संघर्षानंतर मागच्या वर्षीपासून समलैंगिक संबंधांना मान्यता देण्यात आली.

– ऑस्ट्रीयामध्ये समलैंगिक विवाहाला उच्च न्यायालयाने मान्यता दिली असून २०१९ पासून हे लोक लग्न करु शकतात असे या कायद्यात म्हटले आहे.

– महासत्ता असलेल्या अमेरिकेमध्ये २०१५ मध्ये समलैंगिक संबंधांना मान्यता देण्यात आली. संविधानाने हा अधिकार दिला असल्याचे म्हटले आहे.

– इंडोनेशियामध्ये समलैंगिक संबंधांबरोबर विवाहबाह्य संबंध ठेवल्यास पाच वर्षांची शिक्षा होऊ शकते. २०१६ मध्ये हॉटेल आणि क्लबमध्ये छापा टाकून शेकडो समलैंगिकांना अटक करण्यात आली होती.

– बोलिविया, इक्वाडोर, फिजी, मालटा आणि युनायटेड किंग्डम समलैंगिकांना वेगळी वागणूक देणे हे कायद्याच्या विरोधात आहे असे म्हटले आहे.