Israel-Hamas युद्धात अमेरिकेपाठोपाठ रशियाची उडी, ओलिसांबाबत मॉस्कोची हमासशी चर्चा

दहशतवादी संघटना हमासने रशियाशी संपर्क साधला आहे. हमासच्या दहशतवाद्यांनी २०० हून अधिक नागरिकांना ओलीस ठेवलं आहे. या ओलिसांना सोडण्याबाबत रशिया आणि हमासमध्ये चर्चा झाल्याचं सांगितलं जात आहे. जगातल्या दोन महाशक्ती अमेरिका आणि रशियाने या युद्धात उडी घेतल्याने याचा संपूर्ण जगाला फटका बसू शकतो. इस्रायल हमास युद्धाबाबतच्या अमेरिका आणि रशियाच्या भूमिका जगाला शीतयुद्धाची आठवण करून देत आहेत.

आणखी वाचा

रशिया-युक्रेन संघर्ष अणुयुद्धात बदलणार? युक्रेनची अणुबॉम्बची तयारी? काय होणार जगावर परिणाम?

Nana Patole : निकालाआधी राजकीय घडामोडींना वेग; यातच…

अर्धी पृथ्वी टप्प्यात येईल असे ‘सूर्या’ क्षेपणास्त्र भारताकडे खरेच आहे का? पाकिस्तानी तज्ज्ञाचा दावा काय?

डोनाल्ड ट्रम्प आणि व्लादिमीर पुतिन खरोखर एकमेकांचे मित्र आहेत का? दोघांच्या मैत्रीत युक्रेनचा ‘बकरा’?

युक्रेनबरोबर सुरू असलेल्या युद्धामुळे रशियात बटरची चोरी; नेमकं प्रकरण काय?

युक्रेन, इस्रायल युद्धांमुळे कार्बन उत्सर्जनामध्ये वाढ

‘या’ देशात स्थापन होणार सेक्स मंत्रालय? डेटिंग अन् लग्नासाठीही सरकार पुरवणार आर्थिक साह्य? कारण काय?

इस्रायल-हमास युद्धाबाबत अमेरिकेने कठोर भूमिका घेतली आहे. अमेरिकेने इस्रायलच्या मदतीसाठी भूमध्य सागरात युद्धनौका तैनात केल्या आहेत. या युद्धनौकांवर लढाऊ विमानंही तैनात करण्यात आली आहेत.. तर दुसऱ्या बाजूला रशियाने काळ्या समुद्रात विध्वसंक क्षेपणास्रं आणि लढाऊ विमानं तैनात केली आहेत. ही परिस्थिती पाहता जग तिसऱ्या महायुद्धाच्या उंबरठ्यावर असल्याचं बोललं जात आहे.

हे ही वाचा >> इस्रायल-हमास युद्धावर जो बायडेन यांचं मोठं वक्तव्य, पुतिन यांच्यावर आरोप करत म्हणाले…

रशियाच्या इस्रायलमधील राजदूतांच्या हवाल्याने दी टाईम्स ऑफ इस्रायल या वृत्तपत्राने म्हटलं आहे की, रशिया हमासच्या संपर्कात आहे. सर्व ओलिसांची सुटका करणं हे या चर्चेमागचं मुख्य उद्दीष्ट आहे. रशियाचे राजदूत अ‍ॅनाटोली विक्टोरोव्ह यांनी म्हटलं आहे की, दहशतवादी संघटनेने २०० ते २५० नागरिकांना गाझा पट्टीत ओलीस ठेवलं आहे. त्यांच्या सुटकेसाठी मॉस्कोचे प्रयत्न सुरू असून हमासशी यासंदर्भात चर्चा सुरू आहे.