Honor Killing : बापाने पोलिसांसमोरच पोटच्या मुलीवर झाडल्या गोळ्या, चार दिवसांवर आलं होतं लग्न; नेमकं काय घडलं?

ग्वाल्हेरमधील गोल का मंदिर परिसरात मंगळवारी संध्याकाळी ९ वाजण्याच्या सुमारास पीडित तरुणीची हत्या झाली. पीडितेचे वडील महेश गुर्जर यांनी त्यांच्या मुलीने सोशल मीडियावर पोस्ट केलेल्या व्हिडिओमुळे देशी बनावटीच्या बंदुकीने तिच्यावर गोळीबार केला. यावेळी घटनास्थळी पीडित तरुणी तनुचा चुलत भाऊ राहुल हा सुद्धा उपस्थित होता. महेशनंतर त्यानेही तरुणीवर गोळ्या झाडल्या ज्यामुळे तिचा जागीच मृत्यू झाला.

आणखी वाचा

नागपूर : प्रेमविवाहाचा करुण अंत! अनैतिक संबंधाच्या संशयातून पत्नीचा खून

Ravindra Chavan : ‘उपरा’ डोंबिवलीकर ते भाजप प्रदेश…

Santosh Deshmukh Daughter : संतोष देशमुख यांच्या मुलीला अश्रू अनावर, “पप्पा, जिथे असाल तिथे हसत राहा! आम्हाला माफ करा…”

“सात महिन्यांपासून तुरुंगात, भारतीय दूतावासातून कोणी…”, गुरपतवंत पन्नूच्या हत्येच्या कटाचा आरोप असलेल्या निखिल गुप्तांची मोठी माहिती

अकोला : मनोरुग्णाकडून वडिलांची हत्या, घरातच केले डोक्यावर वार

थेऊर गोळीबार प्रकरणातील पसार आरोपी अटकेत

प्रेमात अडसर ठरणाऱ्या सख्ख्या मुलीचा आईनेच केला खून, मृतदेहाची विल्हेवाट…

धक्कादायक: “पत्नीकडे अंतिम संस्कारासाठी पैसे नाहीत”.., मुलांनो जे मिळेल ते खा, सावकाराच्या जाचाला कंटाळून तरुणाची आत्महत्या

व्हायरल व्हिडिओमध्ये मुलीचे आरोप

हत्येच्या काही तास आधी, तनुने सोशल मीडियावर एक व्हिडिओ पोस्ट केला होता. ज्यामध्ये तिने कुटुंबीयांनी इच्छेविरुद्ध लग्नासाठी दबाव आणल्याचा आरोप केला. ५२ सेकंदांच्या व्हिडिओमध्ये, तिने तिच्या वडिलांवर आणि कुटुंबातील इतर सदस्यांवर गंभीर आरोप केले आहेत. याचबरोबर जीवाला धोका असल्याचेही तिने यामध्ये सांगितले आहे.

“मला विकीशी लग्न करायचे आहे. सुरुवातीला माझे कुटुंबीय यासाठी तयार होते पण नंतर त्यांनी याला नकार दिला. ते मला दररोज मारहाण करायचे आणि मला जीवे मारण्याची धमकी द्यायचे. जर मला काही झाले तर माझे कुटुंबीय जबाबदार असतील,” असे तनुने व्हिडिओमध्ये म्हटले आहे.

बापासह भावानेही झाडल्या गोळ्या

व्हिडिओ व्हायरल झाल्यानंतर, पोलीस अधीक्षक धर्मवीर सिंग यांच्या नेतृत्वाखालील पथक तनुच्या घरी पोहोचले होते. त्यांनी हे प्रकरण सोडवण्यासाठी मध्यस्थीचा प्रयत्न केला. यासाठी पंचायतीची बैठकही बोलवण्यात आली होती. दरम्यान वडिलांनी तनुशी खासगीत बोलायचे असल्याचे म्हणत बाजूला नेले आणि तिच्यावर गोळ्या झाडल्या. इतकेच नव्हे तर, त्यावेळी तिथे उपस्थित असलेल्या चुलत भाऊ राहुलने तनुच्या कपाळ, मान आणि नाकाच्या मधल्या भागात गोळ्या झाडल्या. यामुळे तिचा जागीत मृत्यू झाला. यावेळी पोलिसांना आरोपी बापाला पकडले पण चुलत भाऊ राहुल पळून गेला.