github app muslim women photos on auction bulli bai user priyanka chaturvedi objects | Github वरील पोस्टवरून पुन्हा वाद; युजरनं मुस्लीम महिलांचे फोटो वापरून लिहिला आक्षेपार्ह मजकूर, शिवसेनेनं केंद्राला विचारला जाब!

मुस्लीम महिलांचे फोटो github वर पोस्ट करणाऱ्या युजरला ब्लॉक करण्यात आलं असून शिवसेनेनं कठोर कारवाईची मागणी केली आहे.

मुस्लीम महिलांचे फोटो वापरून आक्षेपार्ह मजकूर पोस्ट केल्याचा प्रकार समोर आला आहे.

सुमारे सहा महिन्यांपूर्वी Github नावाच्या एका मोबाईल अ‍ॅपवर मुस्लीम महिलांचे फोटो पोस्ट करून त्याबाबत आक्षेपार्ह मजकूर टाकण्यात आल्याचा धक्कादायक प्रकार समोर आला होता. त्यावरून बराच वाद झाल्यानंतर दिल्ली पोलिसांनी कारवाई देखील केली होती. मात्र, आता पुन्हा एकदा असाच काहीसा प्रकार समोर आला आहे. १ जानेवारी रोजी काही मुस्लीम महिलांचे सोशल मीडियावरील फोटो या अ‍ॅपवर अपलोड करून त्यावर अश्लील भाषेत आक्षेपार्ह मजकूर टाकण्यात आला होता. महिलांचा लिलाव करण्याची भाषा देखील या मजकुरामध्ये वापरण्यात आली होती. हा प्रकार उघड झाल्यानंतर शिवसेना खासदार प्रियांका चतुर्वेदी यांनी केंद्रीय माहिती व तंत्रज्ञान मंत्री अश्विनी वैष्णव यांच्याकडे तक्रार दाखल केली.

मुस्लीम महिला पत्रकाराच्या ट्वीटमुळे प्रकार उघड!

यासंदर्भात इंडिया टुडेनं दिलेल्या वृत्तानुसार, एका मुस्लीम महिला पत्रकाराने ट्विटरवर यासंदर्भात पोस्ट लिहिली होती. या महिलेचा देखील फोटो या अ‍ॅपवर अपलोड करण्यात आला होता. ‘Bulli Bai’ नावाच्या युजर ग्रुपवरून हे फोटो अपलोड करण्यात येत असल्याचं समोर आलं होतं. सोशल मीडियावरून मुस्लीम महिलांचे फोटो त्यांच्या परवानगीशिवाय घेणे आणि ते Github या अ‍ॅपवर अपलोड करणे हा प्रकार सर्रास घडत असल्याचं समोर आल्यानंतर त्यावरून सर्वच स्तरातून संताप व्यक्त होताना दिसत आहे.

आणखी वाचा

Sanju Samson meets Female Fan After Match Who Injured by His Massive Six Watch Video IND vs SA

संजू सॅमसनच्या ‘त्या’ कृतीने जिंकली चाहत्यांची मनं, षटकारामुळे घायाळ झालेल्या चाहतीची घेतली भेट अन्…, पाहा VIDEO

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

‘नवरी मिळे हिटलरला’ मालिकेतील अभिनेत्रीने शेअर केले बालपणीचे गोंडस फोटो; नेटकरी म्हणाले, “अशीच आयुष्यभर…”

Protest against obscene remarks of BJP leader Pasha Patel in Karjat Jamkhed by burning effigy

भाजप नेते पाशा पटेल यांच्या अश्लील वक्तव्याविरोधात कर्जत जामखेड मध्ये महिलांचा एल्गार, पुतळा जाळून निषेध

Uddhav Thackeray criticized Eknath Shinde

“माझी बॅग तुझ्याकडे देतो, फक्त त्यातले कपडे…”; उद्धव ठाकरेंनी एकनाथ शिंदेंना डिवचलं!

‘डॉ. बाबासाहेब आंबेडकर इस्लाम स्वीकारण्यास तयार होते’, काँग्रेसच्या माजी आमदाराच्या विधानामुळं खळबळ

Raosaheb Danve Viral Video: रावसाहेब दानवेंची लाथ बसलेल्या कार्यकर्त्याची प्रतिक्रिया समोर; म्हणाला, “म्हणून साहेबांनी मला…”

Mithun Chakraborty gets threat from pakistani gangster Shahzad Bhatti

पाकिस्तानी गँगस्टरकडून मिथुन चक्रवर्ती यांना धमकी, मुस्लिमांबद्दल केलेल्या ‘त्या’ वक्तव्याचा उल्लेख करत म्हणाला…

प्रियांका चतुर्वेदींची केंद्रीय मंत्र्यांकडे तक्रार

दरम्यान, याबाबत शिवसेना खासदार प्रियांका चतुर्वेदी यांनी अश्विनी वैष्णव यांच्याकडे तक्रार केली होती. तसेच, तक्रार करून देखील अश्विनी वैष्णव त्याची दखल घेत नसल्याचं देखील त्यांनी ट्वीट करून म्हटलं होतं.

GitHub confirmed blocking the user this morning itself.
CERT and Police authorities are coordinating further action. https://t.co/6yLIZTO5Ce
— Ashwini Vaishnaw (@AshwiniVaishnaw) January 1, 2022

दरम्यान, प्रियांका चतुर्वेदी यांच्या ट्वीटवर केंद्रीय मंत्री अश्विनी वैष्णव यांनी ट्वीट करून यासंदर्भात संबंधित अॅपनं कारवाई केल्याची माहिती दिली आहे. “गिटहबनं माहिती दिली आहे की त्यांनी संबंधित युजरला ब्लॉक केलं आहे. सीईआरटी आणि पोलीस प्रशासन यासंदर्भातील पुढील कारवाई करत आहेत”, असं ट्वीट वैष्णव यांनी केलं.

Sir,Thank you.With due respect I had shared with you that besides blocking the platform punishing the offenders creating such sites is important.I hope @HMOIndia & @GoI_MeitY will support @MumbaiPolice to find these culprits&make them as well as platforms accountable #BulliDeals https://t.co/o1wXAnJVYq
— Priyanka Chaturvedi?? (@priyankac19) January 1, 2022

फक्त ब्लॉक नाही, कठोर कारवाई हवी!

या ट्वीटनंतर प्रियांका चतुर्वेदी यांनी गिटहबकडून फक्त संबंधित युजरवर कारवाई होणंच पुरेसं नसून त्याच्यावर कठोर कारवाई होणं आवश्यक आहे, अशी मागणी केली आहे.

काही महिन्यांपूर्वी सुली डील्स या नावाने गिटहबवर मुस्लीम महिलांचे फोटो टाकून आक्षेपार्ह मजकूर पोस्ट करण्यात आल्याचं उघड झालं होतं. त्यावर आक्षेप घेण्यात आल्यानंतर हा मजकूर हटवण्यात आला होता. सुली हा शब्द मुस्लीम महिलांचा अपमान करण्यासाठी वापरला जातो. त्यावरून मोठा वाद झाला होता. अशा प्रकारे महिलांचा अपमान करण्याचा प्रयत्न कोण करतंय? असा प्रश्न आता उपस्थित केला जाऊ लागला आहे.

First published on: 02-01-2022 at 12:06 IST

Web Title: Github app muslim women photos on auction bulli bai user priyanka chaturvedi objects pmw