माजी मुख्यमंत्र्यांना आजीवन कॅबिनेट मंत्रीपदाचा दर्जा; गोवा सरकारचा मोठा निर्णय!

गोव्याचे माजी मुख्यमंत्री आणि काँग्रेसचे विधानसभेतील ज्येष्ठ आमदार प्रतापसिंह राणे यांनी नुकतीच गोवा विधानसभेत आमदार म्हणून कारकिर्दीची ५० वर्ष पूर्ण केली. ८७ वर्षीय प्रतापसिंह राणे यांच्या या प्रदीर्घ अनुभवाची आणि कामगरीची परतफेड म्हणून गोव कॅबिनेटनं त्यांना आजीवन कॅबिनेट मंत्रीपदाचा दर्जा देण्याचा निर्णय घेतला आहे. यासंदर्भात गोव्याच्या कॅबिनेटमध्ये प्रस्ताव मंजूर करण्यात आला असून त्याची माहिती मुख्यमंत्री प्रमोद सावंत यांनी ट्विटरवर दिली आहे.

आणखी वाचा

महाराष्ट्राला पर्यटनामध्ये प्रथम क्रमांकाचे राज्य बनवू, पर्यटनमंत्री शंभूराज देसाईंची ग्वाही

Goa Tourism : गोव्याकडे देश-विदेशातील पर्यटकांची पाठ? शॅक…

हिंजवडी आयटी पार्कची कोंडी : उद्योगमंत्री उदय सामंत ‘ॲक्शन मोड’वर; अधिकाऱ्यांना दिले आदेश

मुख्यमंत्री फडणवीस यांचे स्पष्ट निर्देश, तरी पी.ए. होण्यासाठी उड्यावर उड्या…

Chandrakant Patil : पुण्याचं पालकमंत्रिपद मिळालं तर स्वीकारणार का? चंद्रकांत पाटलांचं मोठं विधान; म्हणाले, “माझं नेतृत्व मला…”

Chhagan Bhujbal : “मला वाटते भुजबळांनी पंतप्रधान व्हावे…”, छगन भुजबळांच्या नाराजीवर राष्ट्रवादीच्या नव्या मंत्र्याचे भाष्य

पालकमंत्रिपदांचं वाटप कधी होणार? मंत्री शंभूराज देसाईंनी डेडलाईनच संगितली

नवे महसूल मंत्री म्हणतात, महसूल कायद्यात सुधारणा आवश्यक

मुख्यमंत्री प्रमोद सावंत यांनी जाहीर केला निर्णय

“आमच्या सरकारने असा निर्णय घेतला आहे की विधिमंडळातील सर्वात ज्येष्ठ आमदार प्रतापसिंह राणे यांना आजीवन कॅबिनेट दर्जा दिला जावा. त्यांनी राज्याच्या केलेल्या सेवेची ही पोचपावती ठरावी. त्यांनी गोव्याचे मुख्यमंत्री हे राज्यातलं सर्वोच्च पद आणि गोवा विधानसभेचं अध्यक्षपद भूषवलं आहे. ते कायमच गोव्याच्या लोकांसाठी प्रेरणा ठरतील. गोव्यातील लोकांच्या हितासाठी आणि राज्याच्या विकासासाठी आम्ही काम करत असताना त्यांचं मार्गदर्शन मिळत राहील, अशी अपेक्षा ठेवतो”, असं मुख्यमंत्री प्रमोद सावंत यांनी ट्वीटमध्ये म्हटलं आहे.

दरम्यान, गोवा विधानसभेत ५० वर्षे आमदारकीचा काळ पूर्ण करणाऱ्या आणि गोव्याचे माजी मुख्यमंत्री राहिलेल्या किंवा विधानसभेचं अध्यक्षपद भूषवलेल्या सदस्यांना अशा प्रकारे आजीवन कॅबिनेट मंत्रीपदाचा दर्जा दिला जाईल, असं या निर्णयानुसार ठरवण्यात आलं आहे.