लैंगिक छळवणुकीच्या प्रकरणात गुगलमध्ये ४८ जणांवर कारवाई

कर्मचाऱ्यांना जारी केलेल्या पत्रात त्यांनी म्हटले आहे की, लैंगिक छळवणुकीच्या प्रकरणात काढून टाकण्यात आलेल्या कर्मचाऱ्यांना कंपनीतून जाताना कुठलेही पॅकेज देण्यात आलेले नाही. दी न्यूयॉर्क टाइम्सने दिलेल्या वृत्तात असे म्हटले होते की, अँड्राइडचे निर्माते अँडी रुबिन यांच्यावर लैंगिक गैरवर्तनाचे आरोप झाल्यानंतर त्यांना काढून टाकण्यात आले असले तरी त्यांना ९ कोटी डॉलर्सचे पॅकेज देण्यात आले होते.

दी न्यूयॉर्क टाइम्सने दिलेले वृत्त चुकीचे असल्याचे पिचाई व गुगलचे उपाध्यक्ष एलिन नॉटन यांनी म्हटले आहे. लैंगिक गैरवर्तनाच्या प्रत्येक प्रकरणाची बारकाईने चौकशी केली असून त्याबाबत नेहमीच कठोर भूमिका ठेवली आहे. एकूण ४८ जणांना अशा वर्तनामुळे काढून टाकण्यात आले.