Single Cigarette Ban: लवसरकरच देशात 'सिंगल सिगारेट विक्री'वर बंदी? मोदी सरकार मोठ्या निर्णयाच्या तयारीत? 'त्या' अहवालामुळे चर्चा | Government may stop sale of loose cigarettes here is why scsg 91

Sale of Loose Cigarette in India: केंद्र सरकारने तीन वर्षांपूर्वीच ई-सिगारेटच्या विक्रीवर घातली बंदी

केंद्र सरकारकडे यासंदर्भात करण्यात आली शिफारस (फोटो - लोकसत्ता ग्राफिक्स टीम/ रॉयटर्स)

Central Government may stop sale of loose cigarettes: सुट्या सिगारेट विक्रीवर म्हणजेच सिंगल सिगारेट सेलवर केंद्र सरकार बंदी घालण्याची दाट शक्यता व्यक्त केली जात आहे. तंबाखूजन्य पदार्थांच्या सेवनावर नियंत्रण आणण्याच्या उद्देशाने हा निर्णय घेतला जाण्याची शक्यता आहे. संसदेच्या स्थायी समितीने देशातील तंबाखूजन्य पदार्थांच्या सेवनावर मर्यादा आणण्याच्या दृष्टीकोनातून यासंदर्भातील शिफारस सरकारकडे केली असल्याचं वृत्त अनेक वृत्तपत्रांनी दिलं आहे.

संसदेच्या स्थायी समितीने संसदेला सादर केलेल्या अहवालामध्ये एकल सिगारेट विक्रीवर निर्बंध आणण्याची शिफार केली आहे. तंबाखूजन्य पदार्थांचं सेवन कमी व्हावं या दृष्टीने हा निर्णय फायद्याचा ठरेल असं या समितीने अहवालामध्ये म्हटलं आहे. एकल सिगारेट विक्री रोखल्याने सिगारेट पिणाऱ्यांची संख्या कमी होईल असा विश्वास या समितीने अप्रत्यक्षपणे व्यक्त केला आहे. तंबाखू सेवनाविरोधात केंद्र सरकारकडून चालवणाऱ्या मोहिमेमध्ये एकल सिगारेट विक्रीवरील बंदी फार महत्त्वपूर्ण आणि परिमाणकारक निर्णय ठरु शकतो असा या सामितीचा अंदाज आहे. केंद्र सरकारने तीन वर्षांपूर्वीच ई-सिगारेटच्या विक्रीवर आणि वापराव बंदी घातली आहे. अर्थमंत्री निर्मला सितारामन यांनी ही घोषणा केली होती. आरोग्य मंत्र्यालयाने हा निर्णय घेतला होता.

आणखी वाचा

बाजाराचा तंत्र-कल : शेअर बाजाराला बाळसं की सूज?

Sushma Andhare : “माझी प्रिय भावजय” म्हणत सुषमा…

maha vikas aghadi releases manifesto for maharashtra assembly poll 2024

महिला, शेतकऱ्यांवर आश्वासनांची खैरात; मविआचा ‘महाराष्ट्रनामा’ जाहीर

congress mp abhishek manu singhvi remarks on cji chandrachud

चंद्रचूड यांच्या कार्यकाळात सत्तासंघर्षाचा निकाल लांबणीवर पडणे अतर्क्य ; सिंघवी

Devendra Fadnavis Dharni, Chikhaldara Skywalk Work,

‘चिखलदरा स्‍कायवॉकचे काम महाविकास आघाडीने थांबविले’, उपमुख्‍यमंत्री देवेंद्र फडणीसांचा आरोप

Ajit Pawar, sugar factory, Amit Shah allegation,

आजारी साखर कारखान्यांवर अजित पवार गटाचाही कब्जा, अमित शहांच्या आरोपानंतर विरोधी नेत्यांसह सत्ताधारी गटाचीही चर्चा

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

Amit Shah alleges that Ajit Pawar group is occupying the sugar factories Print politics news

आजारी साखर कारखान्यांवर अजित पवार गटाचाही कब्जा; अमित शहांच्या आरोपानंतर विरोधी नेत्यांसह सत्ताधारी गटाचीही चर्चा

केंद्र सरकारने तंबाखूजन्य पदार्थांच्या आयतीवर ७५ टक्के जीएसटी लागू करावं असंही या समितीने जागतिक आरोग्य संघटनेच्या नियमांचा हवाला देत म्हटलं आहे. सध्या बिडीवर २२ टक्के तर सिगारेटवर ५५ टक्के जीएसटी आकारला जातो. तर स्मोकलेस टोबॅकोवर ६४ टक्के जीएसटी आकारला जातो.जीएसटीच्या माध्यमातून कररचनेमध्ये बदल करण्यात आला असला तरी तंबाखूजन्य पदार्थांवरील कर वाढवण्यात आला नसल्याचं निरिक्षण या समितीने नोंदवलं आहे.

नक्की वाचा >> सिगारेट सोडल्याने एवढे पैसे वाचले की त्यामधून साकारलं मोठ्या घराचं स्वप्न; केरळच्या आजोबांची गोष्ट

तंबाखू आणि अल्कोहोलच्या सेवनामुळे कॅन्सरची व्याधी होण्याची शक्यता वाढते असंही या समितीच्या अहवालात नमूद करण्यात आलं आहे. भारतामध्ये सार्वजनिक ठिकाणी धुम्रपान करणं कायद्याने गुन्हा आहे. सार्वजनिक ठिकाणी धुम्रपान करणाऱ्यांना २०० रुपयांपर्यंत दंड ठोठावला जाऊ शकतो. तसेच तंबाखूजन्य पदार्थांच्या जाहिरातींवरही काही प्रमाणात निर्बंध लादण्यात आले आहेत.

First published on: 12-12-2022 at 11:57 IST

Web Title: Government may stop sale of loose cigarettes here is why scsg