राजस्थानमध्ये १४ ऑगस्टला अधिवेशन

जयपूर : राजस्थान विधानसभेचे अधिवेशन बोलावण्यासाठीचा अशोक गेहलोत मंत्रिमंडळाचा प्रस्ताव राज्यपाल कलराज मिश्र यांनी बुधवारी स्वीकारला. विधानसभेचे  अधिवेशन १४ ऑगस्टला घेण्यास राज्यपालांनी संमती दिली आहे.

आणखी वाचा

मतदारांशी प्रेमाने संवाद साधा! पंतप्रधान नरेंद्र मोदी यांच्या राज्यातील बूथप्रमुखांना अनेक सूचना

Nana Patole : निकालाआधी राजकीय घडामोडींना वेग; यातच…

तारीख वीस, आमदार फिक्स ….उमेदवारांच्या घोषवाक्य प्रतिभेला बहर

मुंबई: पंतप्रधान नरेंद्र मोदी यांच्या सभेसाठी वाहतुकीत बदल

‘एसआयओ’तर्फे विद्यार्थ्यांचा जाहीरनामा प्रसिद्ध; विविध शैक्षणिक, सामाजिक, रोजगार, पर्यावरण संवर्धनाशी संबंधित मागण्यांवर भर

पायाला फ्रॅक्चर, गोल्फ कार्टवर मतदारसंघात प्रचार; महाराष्ट्रातील सर्वात श्रीमंत उमेदवाराची जोरदार चर्चा!

Maharashtra Assembly Election 2024 : सर्वोच्च न्यायालयाच्या टिप्पणीनंतर अमोल मिटकरींनी मागितली माफी

विधानसभा अध्यक्ष सी.पी.जोशी तसेच राज्यपाल मिश्रा यांच्या भेटीनंतर हा निर्णय झाला आहे. अधिवेशन बोलावण्याबाबतचा प्रस्ताव राज्यपालांनी यापूर्वी तीन वेळा परत पाठवला आहे.

मंत्रिमंडळाने २३ जुलैला पहिल्यांदा असा प्रस्ताव पाठवला होता. विधानसभा अधिवेशनाचा विषय विश्वासदर्शक ठराव संमत करणे हा असल्यास ते अल्पसूचनेवरून बोलावले जाऊ शकते; अन्यथा २१ दिवसांची नोटीस आवश्यक आहे, असे राज्यपालांनी सरकारचे यापूर्वीचे प्रस्ताव नाकारताना म्हटले होते. हे अधिवेशन ३१ जुलैला सुरू व्हावे असा आग्रह सरकारने यापूर्वी धरला होता.

सचिन पायलट यांच्या बंडाने राजस्थानमधील अशोक गेहलोत सरकार अडचणीत आहे. पायलट यांच्या पाठिशी काँग्रेसचे १८ बंडखोर आमदार आहेत. दोनशे सदस्य असलेल्या राजस्थान विधानसभेत गेहलोत यांनी काँग्रेसच्या पाठिशी १०७ आमदार असल्याचा दावा केला  आहे. तर प्रमुख विरोधीपक्ष असलेल्या भाजपकडे ७२ सदस्य आहेत.

अधिवेशन बोलावण्याच्या मुद्यावरून पेचप्रसंग तीव्र झाल्यानंतर मुख्यमंत्री अशोक गेहलोत यांनी मिश्र यांची राजभवनात सुमारे १५ मिनिटे भेट घेतली. यानंतर काही तासांनी हा प्रस्ताव पुन्हा तयार करण्यासाठी राज्य मंत्रिमंडळाची बैठक होऊन नवी तारीख ठरवण्यात आली. आता १४ तारखेला अधिवेशन होणे अपेक्षित आहे.