Video: गुजरातमध्ये भर कोर्टात न्यायाधीशांमध्येच वाद; फाईल फेकली, आरडा-ओरड..नंतर मागितली माफी!

नेमकं घडलं काय?

हा सगळा प्रकार २३ ऑक्टोबर रोजी गुजरात उच्च न्यायालयात घडला. सुनावणीचं लाईव्ह प्रक्षेपण होत असल्यामुळे त्याची सर्वत्र चर्चा आणि व्हिडीओ लागलीच व्हायरल झाले. गुजरात उच्च न्यायालयातील चौथे सर्वात ज्येष्ठ न्यायमूर्ती बिरेन वैष्णव यांचं एका प्रकरणाच्या निकालावरून दोन सदस्यीय खंडपीठातील त्यांच्या सहकारी महिला न्यायमूर्ती मौना भट यांच्याशी भांडण झालं. हा वाद एवढा वाढला की न्यायमूर्ती बिरेन वैष्णव यांनी सुनावणी चालू असतानाच हतातली फाईल टेबलावर भिरकावून दिली. मौना भट यांच्यावर ते चांगलेच संतापल्याचं व्हिडीओमधून दिसून येत आहे. त्यापाठोपाठ त्यांनी त्या दिवशी पुढे कोणत्याही प्रकरणाची सुनावणी होणार नाही असं सांगून टाकलं!

आणखी वाचा

Video: “देवीआईंनासुद्धा कळायला पाहिजे…”, पारू अनुष्काचे सत्य अहिल्यादेवीसमोर आणणार? मालिकेत ट्विस्ट, पाहा प्रोमो

…तर औषधाची गरजच नाही! वाचा निरोगी आयुष्य जगण्यासाठी…

कल्याणीनगर अपघात प्रकरणात पुरवणी आरोपपत्र, रक्ताचे नमुने बदल प्रकरणात आरोपीविरुद्ध आरोपपत्र

Supreme Court : वयाच्या १४ वर्षी केलेल्या गुन्ह्यात व्यक्तीची २९ वर्षांनंतर सुटका; सर्वोच्च न्यायालयाने दिले आदेश, नेमकं प्रकरण काय?

अटकपूर्व जामिनाच्या मागणीसाठी सातारा जिल्हा सत्र न्यायाधीश उच्च न्यायालयात

दाभोलकर हत्या प्रकरण : आरोपींच्या सुटकेविरोधातील दाभोलकर कुटुंबीयांच्या अपिलाला आक्षेप

बेदरकारपणे गाडी चालवल्याचा आरोप : आरोपीच गाडी चालवत असल्याचे सिद्ध करण्यात पोलिसांना अपयश, शिक्षा रद्द

सराइताला जामीन देण्यासाठी बनावट कागदपत्रे; आरोपीकडून बनावट आधारकार्ड, शिधापत्रिका जप्त

काय होतं प्रकरण?

इन्कम टॅक्सशी संबंधित एका प्रकरणाची न्यायालयात सुनावणी चालू होती. प्राप्तीकर विभागानं गेल्या सहा वर्षांचा लेखाजोखा पुन्हा एकदा करण्याची मागणी केली होती. न्यायमूर्ती वैष्णव यांनी यासाठी परवानगी दिली. मात्र, या आढाव्यासंदर्भातला अंतिम आदेश न्यायालयाच्या परवानगीशिवाय दिला जाऊ नये, अशी अट त्यांनी घातली. त्यावर न्यायमूर्ती भट काही टिप्पणी करत असताना न्यायमूर्ती वैष्णव संतप्त झाले.

“मग तुम्ही या निकालावर असहमती दर्शवा ना. तुम्ही एका प्रकरणात असहमीत दर्शवली आहे, मग दुसऱ्या प्रकरणातही असहमती दर्शवा. पुटपुटू नका. तुम्ही असहमत असाल तर स्वतंत्र निकाल द्या”, असं न्यायमूर्ती वैष्णव यांनी भट यांना सांगितलं.

जाहीर माफी!

दरम्यान, हे प्रकरण व्हायरल झाल्यानंतर न्यायमूर्ती वैष्णव यांनी २५ ऑक्टोबर रोजी बिनशर्त माफी मागितली. “न्यायालयाचं कामकाज सुरू करण्यापूर्वी सोमवारी जे काही घडलं त्यासाठी मी माफी मागतो. माझ्याकडून चूक झाली. त्यासाठी मी माफी मागतो आणि आपण कामकाजाला सुरुवात करू. जे घडलं ते घडायला नको होतं”, असं न्यायमूर्ती वैष्णव यांनी मान्य केलं.

दरम्यान, आधी सुनावणीदरम्यान झालेला वाद आणि नंतर न्यायमूर्ती वैष्णव यांनी जाहीरपणे मागितलेली माफी या घडामोडींचे व्हिडीओ सोशल मीडियावर व्हायरल झाल्यानंतर गुजरात न्यायालयाने हे व्हिडीओ हटवण्याचे निर्देश यूट्यूबला दिले आहेत. मात्र, एक्सवर हे व्हिडीओ अजूनही मोठ्या प्रमाणावर शेअर केले जात आहेत.