केंद्राच्या ‘या’ योजनेसाठी गुजरातच्या मंदिरांनी ठेवलं २०० किलो सोनं; एकट्या अंबाजी मंदिराकडून आलं १६८ किलो!

देशभरात वेगवेगळ्या संस्था, कंपन्या, मंदिर ट्रस्ट आणि याचबरोबरीने घरोघरी मोठ्या प्रमाणावर सोनं पडून असताना त्याचा देशाच्या विकासासाठी अधिक उपयुक्त पद्धतीने वापर करता येऊ शकतो या हेतूने ही योजना सुरू करण्यात आली. यानुसार या योजनेत ठेवलं जाणारं सोनं इतर उत्पादक गोष्टींमध्ये सरकारकडून गुंतवलं जातं. त्याबदल्यात सोनं ठेवणाऱ्यांना व्याजाच्या स्वरूपात परतावाही दिला जातो. त्यामुळे दोन्ही बाजूंचा फायदा होतो.

आणखी वाचा

सोहले लोहखाणीवरून उत्तर गडचिरोलीत असंतोष? खाणीपर्यंत जाणाऱ्या रस्त्याला…

27 October Horoscope : अचानक धनलाभ ते‌ वैवाहिक…

गोरेगाव मुलुंड जोडरस्त्याआड आलेले ४० वर्षे जुने मंदिर हटवले, पालिकेच्या विभाग कार्यालयाची कारवाई

खासदार श्रीकांत शिंदेंनी बंदी असूनही केला उज्जैनच्या महाकालेश्वर मंदिराच्या गाभाऱ्यात प्रवेश; विरोधकांची टीका!

डोंबिवलीत कोपरमध्ये रस्ता बंद करून बेकायदा इमारतीची उभारणी करणाऱ्या बांधकामधारकांना साहाय्यक आयुक्तांची नोटीस

दसऱ्याच्या दिवशी तुळजापूरमध्ये अग्रभागी असणाऱ्या माय मुहूर्ताब देवीच्या काठीचे तुळजापूरकडे प्रस्थान

गडचिरोली: ‘या’ भाजप आमदाराच्या अडचणीत वाढ, काय आहे प्रकरण जाणून घ्या…

दुर्गाडी किल्ला येथील जत्रोत्सवामुळे कल्याणमधील गोविंदवाडी वळण रस्ता वाहतुकीसाठी बंद

गुजरातमधील मंदिरांनी जमा केलं २०० कोटी सोनं!

दरम्यान, नुकत्याच जाहीर करण्यात आलेल्या आकडेवारीनुसार गुजरातमधील मंदिरांनी मिळून या योजनेत जवळपास २०० किलो सोनं ठेवलं आहे. त्यातील तब्बल १६८ किलो सोनं एकट्या अंबाजी मंदिर ट्रस्टकडून आलं आहे. याव्यतिरिक्त नुकतंच मंदिराच्या सुशोभिकरणासाठी १४० किलो सोन्याचा वापर करण्यात आल्याची माहिती मंदिर ट्रस्टकडून देण्यात आली आहे. गुजरातच्या बनसकंठा जिल्ह्यात हे अंबाजी मंदिर आहे.

सोमनाथ मंदिराकडूनही ६ किलो सोनं

दरम्यान, दुसरीकडे गुजरातमधील सुप्रसिद्ध सोमनाथ मंदिराकडून या योजनेसाठी ६ किलो सोनं ठेवण्यात आलं आहे. सोमनाथ मंदिर ट्रस्टकडूनही मंदिर सुशोभिकरणासाठी नुकतंच १५० किलो सोनं वितळवून त्याचा वापर केल्याची माहिती देण्यात आली आहे. त्यानंतर ६ किलो सोनं गोल्ड मोनेटायझेशन स्कीमसाठी ठेवण्यात आलं आहे.

दरम्यान, सोन्याच्या स्वरुपात मंदिराकडे फारच कमी दान येत असल्यामुळे द्वारकेतील प्रसिद्ध श्री द्वारकाधीश मंदिराकडून या योजनेसाठी सोनं ठेवण्यात आलेलं नाही.