गुजरात उच्च न्यायालयाचा निर्णय ‘विकृत’; तीस्ता सेटलवाड यांना जामीन देताना सुप्रीम कोर्टाचं निरीक्षण

सर्वोच्च न्यायालयाने बुधवारी मानवाधिकार कार्यकर्त्या तीस्ता सेटलवाड यांना जामीन मंजूर केला. २००२ साली गुजरातमध्ये घडलेल्या गोध्रा दंगलीशी संबंधित पुराव्याशी कथित छेडछाड केल्याचा आरोप तीस्ता सेटलवाड यांच्यावर आहे. आता सेटलवाड यांना या प्रकरणात मोठा दिलासा मिळाला आहे. सर्वोच्च न्यायालयाने बुधवारी (१९ जुलै) सेटलवाड यांना नियमित जामीन मंजूर केला.