ब्राह्मण कुटुंबाने इस्लाम धर्म स्वीकारण्याची दिली धमकी; पंतप्रधान मोदींना लिहिलं पत्र

नक्की वाचा >> ‘पाच ट्रिलियनच्या नादात सगळं विकलं’, ‘मोदींच्या तिसऱ्या लाटेपासून देशाला वाचवा’; #Resign_PRimeMinister ट्रेण्डमध्ये

ग्वाल्हेरमधील आपागंजमधील पूजा विहार कॉलीनीमध्ये राहणाऱ्या शर्मा कुटुंबाने ही तक्रार केलीय. शर्मा कुटुंबात २५ सदस्य आहेत. कुटुंबप्रमुखांनी केलेल्या आरोपांनुसार शेजरी राहणारे उमरैया कुटुंबिय त्यांना फार त्रास देतात. शेजाऱ्यांनी आमचं जगणं मुश्कील करुन ठेवलं आहे. आमचे शेजारी कायम आमच्याशी वाद घातलाल. शिवीगाळ करण्याबरोबरच एएससी-एसटी कायद्याअंतर्गत तुम्हाला आत करु अशा धमक्या देऊन आमचा छळ करतात असं, शर्मा कुटुंबियांचं म्हणणं आहे. आमच्या कुटुंबातील २५ जण कायमच शेजारच्यांना घाबरुन भीतीच्या सावटाखाली वावरत आहेत, असंही पत्रात नमूद करण्यात आलं आहे. आम्ही अनेकदा पोलिसांकडे तक्रार करण्याचा प्रयत्न केला मात्र त्यांनी आमचं काहीही ऐकून घेतलं नाही, असंही पत्रात म्हटल्याचं वृत्त न्यूज १८ ने दिलं आहे.

नक्की वाचा >> हे १०० रुपये घ्या आणि दाढी कटींग करुन या; महाराष्ट्रातील चहावाल्याची मोदींना मनी ऑर्डर

या रोज रोजच्या त्रासाला कंटाळून अखेर शर्मा कुटुंबियांनी ९ जुलै रोजी यासंदर्भात पंतप्रधान मोदींना एक पत्र लिहिलं आहे. यामध्ये त्यांनी आमच्या कुटुंबातील २५ सदस्य हिंदू धर्म सोडून इस्लाम धर्म स्वीकारण्याचा विचार करत आहोत, असं म्हटलं आहे. कुटुंबप्रमुखांनी या पत्राची एक प्रत ग्वाल्हेरचे जिल्हाधिकारी कौशलेंद्र विक्रम सिंह आणि पोलीस अधिक्षक अमित सांघीसहीत इतर काही अधिकाऱ्यांनाही पाठवलीय.

नक्की वाचा >> ThopTV App च्या निर्मात्याला महाराष्ट्र सायबर पोलिसांकडून अटक; कारवाईनंतर App चा सर्व्हर डाऊन

धर्मांतर करण्याची धमकी देणारं हे पत्र व्हायरल झाल्यानंतर प्रशासनाला खडबडून जाग आली आहे. स्थानिक पोलिसांनी शर्मा कुटुंबातील प्रमुख व्यक्तीना चर्चेसाठी बोलवून त्यांचं म्हणणं ऐखून घेतलं. पोलिसांनी त्यांना शब्द दिला की तुमच्याविरोधात तक्रार आली तरी संपूर्ण प्रकरणाचा तपास करुन काय खोटं काय खरं याची चाचपणी केल्याशिवाय एफआयआर दाखल केली जाणार नाही. नंतर पोलिसांनी दोन्ही कुटुंबातील सदस्यांना पोलीस स्थानकामध्ये बोलवून त्यांची समजून घातली.