Gym Owner Murder : दिल्लीतल्या जिम मालकाची गोळ्या झाडून हत्या, लॉरेन्स बिश्नोई गँगचं ‘हे’ कनेक्शन समोर

नेमकं काय प्रकरण आहे?

जिम मालक नादिर शाह आणि कुणाल छाबडा हे दोघंही व्यावसायिक भागीदार होते. कुणाल छाबडा दिल्लीत अनेक बेकायदेशीर कॉल सेंटर्स चालवतो. कुणाल छाबडा दुबईत आहे. त्याच्याविरोधात अजामीनपात्र वॉरंट निघाला आहे. कुणाल छाबडाकडे लॉरेन्स गँगने पाच कोटी रुपयांची खंडणी मागितली होती. मात्र नादिर शाह याने कुणालला हे पैसे देण्यास नकार दिला. ज्यानंतर नादिर शाह हा लॉरेन्स गँगच्या रडारवर आला. त्यातूनच त्याची हत्या केली गेली असावी अशी शक्यता पोलिसांनी वर्तवली आहे.

आणखी वाचा

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

महायुतीला सत्ता मिळाली, लाडक्या बहिणींना २१०० रुपये कधीपासून…

बाबा सिद्दीकी हत्या प्रकरण: आरोपींना आर्थिक मदत करणाऱ्याला अटक

मित्राचा खून करून पसार झालेला आरोपी गजाआड, ससून रुग्णालय परिसरात कारवाई

“तिथे उपस्थित असलेल्या…”, ‘त्या’ सिनेमातील शाहरुख खानच्या मृत्यूच्या सीनबद्दल अभिनेत्रीचा मोठा खुलासा

Baba Siddique Murder : बाबा सिद्दिकींचे मारेकरी गोळीबार करून पळाले नाहीत, लीलावती रुग्णालयात जाऊन…, पोलीस चौकशीत खुलासा

पुणे : बंडगार्डन रस्त्यावर तरुणाचा खुनाचा प्रयत्न, दोघांविरुद्ध गुन्हा

नादिर शाह याच्या हत्येचा दुसरा पैलूही समोर

नादिर शाह याच्या हत्येचा दुसरा पैलूही पोलीस तपासत आहेत. नादिर शाह आणि दक्षिण दिल्लीतले गँगस्टर रवि गंगवाल आणि रोहित चौधरी यांची चांगली मैत्री होती. या दोघांची आणि दिल्लीतल्या उत्तर भागातील गँगस्टर हाशिम बाबा यांच्यात हाडवैर होतं. बिश्नोई गँगने हाशिम बाबाशी संपर्क करुन त्याच्याकडून ही हत्या घडवून आणली असाही संशय आहे. नादिर शाह याची हत्या करण्यासाठी आझमगढ या ठिकाणाहून शूटर्स पाठवण्यात आले होते. हाशिम बाबा तिहार तुरुंगात आहे, तिथून समीर बाबाच्या मार्फत ही हत्या घडवण्यात आली. तिहार तुरुंगात असलेल्या समीर बाबाने एकदा नादिरला धमकी दिली होती. मात्र काही उपयोग झाला नाही त्यानंतर आझमगढहून शूटर्सना बोलवण्यात आलं आणि नादिर शाह याची हत्या करण्यात आली, अशी शक्यताही वर्तवण्यात येते आहे. या पैलूच्या अनुषंगानेही पोलीस या प्रकरणाचा तपास करत आहेत.

हे पण वाचा- विरारच्या पेट्रोलपंप मालकाची हत्या, गुन्हे शाखेच्या पथकाकडून दोन आरोपींना अटक

नेमकं काय घडलं?

दक्षिण दिल्लीतल्या ग्रेटर कैलाश भागातून नादिर शाह चालला होता. त्यावेळी गुरुवारी दोन अज्ञातांनी मोटरसायकलवरुन येत त्याच्यावर अंदाधुंद गोळीबार केला. यानंतर नादिर शाह गंभीर जखमी झाला. त्याला याच अवस्थेत मॅक्स रुग्णालयात नेण्यात आलं. मात्र डॉक्टरांनी तिथे त्याला मृत घोषित केलं. नादिर शाह याला पाच गोळ्या लागल्या आहेत अशी माहिती डॉक्टरांनी दिली. एनडीटीव्हीने हे वृत्त दिलं आहे.