आमची भारत माता काँग्रेसची माता एकच सोनिया गांधी – वसुंधरा राजे

काँग्रेस कार्यकर्ते भारता माता की जय बोलत असताना त्यांना मध्येच थांबवून सोनिया गांधी की जय बोलण्यास सांगण्यात आल्याचा एक व्हिडिओ समोर आला आहे. सोशल मीडियावर व्हायरल होणाऱ्या या व्हिडिओशी छेडछाड करण्यात आल्याचा दावा काँग्रेसने केला आहे.हा व्हिडिओ एडिट करण्यात आला आहे. ते लोक माझ्या नावाची घोषणाबाजी करत होते. म्हणून मी त्यांना थांबवून शांत राहण्यास सांगितले.

भाजपाचा आयटी सेल खूप हुशार आहे. त्यांनी तथ्यांची मोडतोड केली व वादग्रस्त पद्धतीने तो व्हिडिओ समोर आणला असा दावा काँग्रेस नेते बी.डी. काला यांनी केला. या व्हिडिओमध्ये काला आपल्या समर्थकांना भारत माता की जय ही घोषणा देण्यापासून रोखताना दिसत असून त्याऐवजी सोनिया गांधी की जय, राहुल गांधी की जय अशा घोषणा द्यायला सांगत आहेत.