हमास या दहशतवादी संघटनेनं ७ ऑक्टोबरला इस्रायलवर अनपेक्षितपणे दहशतवादी हल्ला केला. गाझा पट्टीतून अनेक दहशतवादी जमीन आणि हवाई मार्गानं इस्रायलमध्ये घुसले. पण, हमासच्या दहशतवाद्यांनी इस्रायलमध्ये ठिकठिकाणी प्राणघातक सापळे रचले होते. ही स्फोटके आणि शस्त्रे गोळा करण्याचं काम इस्रायलकडून केलं जात आहे. याचा एक व्हिडीओ इस्रायलनं शेअर केला आहे. इस्रायलच्या आयडीएफचा ( अभियांत्रिकी विशेष दल ) एक चमू स्फोटके आणि शस्त्रे गोळा करण्याचं काम करत आहे. इस्रायली अधिकाऱ्यानं सांगितलं, "हमासच्या दहशतवाद्यांनी अनेक ठिकाणी सापळे रचले होते. ते हटवण्याचं काम केलं जात आहे." हेही वाचा : रस्ते अडवले, कारमधील नागरिकांवर अंदाधुंद गोळीबार; हमासनं केलेल्या हल्ल्याचा थरकाप उडवणारा VIDEO समोर हमासच्या दहशतवाद्यांनी नासधूस आणि नागरिकांवर अत्याचार केलेल्या परिसराची साफसफाई करण्याचं काम सुरू आहे. या परिसरात अजूनही शस्त्रं आणि मृतदेह पडलेले आहेत. हे मृतदेह स्फोटकांनी झाकलेले आहेत. या स्थितीत मृतदेह बाहेर काढताना स्फोट होण्याचा धोका आहे. त्यामुळे आयडीएफच्या चमूकडून सावधगिरीनं काम करण्यात येत आहे. हेही वाचा : इस्रायलकडून रात्रभर हवाई हल्ले, ३० पॅलेस्टाईन नागरिकांचा मृत्यू, क्रूर हल्ले थांबवण्यासाठी इराणशी चर्चा यासंबंधीचा एक व्हिडीओही इस्रायलनं 'एक्स' अकाउंटवर शेअर केला आहे. त्यात आयडीएफ एका मुलाच्या शाळेची बॅग तपासताना दिसत आहे. ही बॅग शेतात आढळून आली. त्यात रिमोट कंट्रोलनं नियंत्रित करण्यात येणारे स्फोटक होते. या स्फोटकाचं वजन ७ किलोच्या आसपास आहे. ही बॅग कुठल्यातरी नागरिकानं उचलली तर स्फोट होईल, असा हसामचा डाव होता.
