हिमाचल प्रदेशमधील सिरमुर जिल्ह्यातील एका गावाजवळ आज (शुक्रवार) एक बस सुमारे सहाशे फूट खोल दरीत कोसळल्याने १९ जणांचा मृत्यू झाला. या भीषण अपघातामुळे बसचे तुकडे झाले असून बाहेर काढण्यात आलेले काही मृतदेह ओळखता येणेही शक्य नसल्याचे सूत्रांनी सांगितले आहे.
या बसमधून प्रवास करणाऱया प्रवाशांची नेमकी संख्या कळू शकलेली नाही. पोलीस आयुक्त संजय कुमार यांनी दिलेल्या माहितीनुसार, घटनास्थळातून १५ मृतदेह सापडले असून, जखमींपैकी चार जणांचाही मृत्यू झाला आहे. तसेच बसमधील सर्व प्रवासी स्थानिक असल्याचे स्पष्ट झाले आहे