हिमाचलचे मुख्यमंत्री सुखविंदर सिंह सुक्खूंचा राजीनामा? विरोधकांच्या दाव्यावर सुक्खूंची पहिली प्रतिक्रिया, म्हणाले…

हिमाचलचे माजी मुख्यमंत्री आणि सध्याचे विरोधी पक्षनेते जयराम ठाकूर यांनी सभागृहाबाहेर प्रसारमाध्यमांशी बोलताना दावा केला की, मुख्यमंत्री सुखविंदर सिंह सुक्खू यांनी राजीनामा सादर केला आहे. राज्याच्या राजकारणात चालू असलेली उलथापालथ पाहून सुखविंदर सिंह सुक्खू यांनी आपलं पद सोडण्याचा निर्णय घेतला आहे. मुख्यमंत्र्यांच्या राजीनाम्याची चर्चा सुरू झाल्यानंतर स्वतः सुखविंदर सिंह सुक्खू यांनी या सर्व वृत्तांचं आणि दाव्यांचं खंडण केलं आहे.

आणखी वाचा

..तर धनंजय मुंडेचा राजीनामा घ्या- छगन भुजबळ

Malasian Airlines: बेपत्ता MH370 चा शोध; पुण्यातील प्रल्हाद…

तेलगी प्रकरणात राजीनामा घेण्याची शरद पवारांंना घाई; छगन भुजबळ यांचा आरोप

“तेलगी प्रकरणात माझं…”, दोन दशकानंतर भुजबळांनी मनातली खदखद व्यक्त केली; मंत्रिपदाच्या राजीनाम्याबद्दल म्हणाले…

बीड राष्ट्रवादीमध्ये अजितदादांच्या इशाऱ्यानंतर ‘साफसफाई’ होणार का ?

Dhananjay Munde: “मुख्यमंत्री, उपमुख्यमंत्र्यांनी राजीनामा मागितला तर…”, दिल्लीमध्ये भेटीगाठी घेतल्यानंतर धनंजय मुंडे काय म्हणाले?

ICC CEO Geoff Allardice : पाकिस्तानातील मैदानांच्या तयारीचा घोळ भोवला? सीईओ ज्योफ एलार्डिस यांनी दिला तडकाफडकी राजीनामा

माजी गृहमंत्र्यांची मंजूर कामे भाजप आमदाराने थांबवली

आज दुपारी १२ वाजण्याच्या सुमारास भाजपा आमदार सभागृहात दाखल झाले. त्याचवेळी काही मार्शल तिथे आले आणि त्यांनी सर्व आमदारांना घेरलं. त्यानंतर मार्शल एकेका आमदाराला घेऊन बाहेर जाऊ लागले होते, असा दावा काही भाजपा आमदारांनी केला आहे. तसेच त्यांनी आरोप केला आहे की, मुख्यमंत्री विरोधकांविरोधात बळाचा वापर करू लागले आहेत. विरोधकांच्या आरोपांवर मुख्यमंत्री म्हणाले, मी कुठल्याही प्रकारच्या बळाचा वापर केलेला नाही. उलट ते लोकच सैन्यबळाचा, सीआरपीएफचा वापर करत आहेत. ते लोक सर्व आमदारांना सीआरएफच्या गाडीत भरून कुठेतरी घेऊन जात आहेत. परंतु, अशाने मी घाबरणारा माणूस नाही. आजच्या अधिवेशनात बहुमत चाचणी होईल आणि या बहुमत चाचणीत काँग्रेस विजयी होईल. विधानसभा अध्यक्षांनी दुपारी दोन वाजेपर्यंतची वेळ दिली आहे. त्यानंतर मी सर्व प्रसारमाध्यमांशी बातचीत करेन.

राजीनाम्याच्या वृत्तावर प्रतिक्रिया देताना सुखविंदर सिंह सुक्खू म्हणाले, विरोधी पक्ष माझ्या राजीनाम्याची अफवा उडवत आहेत. जेणेकरून आमच्या आमदारांमध्ये अशांतता निर्माण होईल किंवा आमचे आमदार फुटतील. माझ्या राजीनाम्यानंतर पक्षातील लोक सोडून जातील असं त्यांना वाटत असावं. परंतु, काँग्रेस पक्ष एकसंघ आहे. काही लहान-मोठ्या अडचणी आहेत ज्या लवकरच सोडवल्या जातील.

हे ही वाचा > हिमाचल प्रदेशमध्ये राजकीय नाट्य; क्रॉस वोटिंगमुळे काँग्रेस अडचणीत, भाजपाकडून बहुमत चाचणीची मागणी

काँग्रेसच्या मंत्र्याचा राजीनामा

सुखविंदर सिंग सुखू सरकारने आपल्याच आमदारांचा अनेक वेळा अपमान केला, असा आरोप करत काँग्रेस आमदार विक्रमादित्य सिंह यांनी बुधवारी सकाळी मंत्रीपदाचा राजीनामा दिला. ते पुढे म्हणाले, “आता हिमाचलमध्ये काँग्रेस पुढे कोठे आहे हे पक्षाच्या हायकमांडला ठरवायचे आहे. लोकांनी मतदान केले म्हणून ते सरकार वाचले पाहिजे अशी आमची इच्छा आहे.”