हिमाचलमध्ये सरकार येताच काँग्रेस सरकार अटल बोगद्याचं नाव बदलणार? मुख्यमंत्री म्हणाले “ज्यांनी पायाभरणी केली…”

फलकावरील नाव बदलले जाईल आणि ज्यांनी पायाभरणी केली त्यांचा समावेश असेल असं मुख्यमंत्री सुखविंदर सिंग सुखू यांनी म्हटलं आहे. दरम्यान माजी पंतप्रधानांबद्दल आदर असल्याने अटलबिहारी वाजपेयी यांचं दिलेलं नाव बदललं जाणार नसल्याचं सुखविंदर सिंग सुखू यांनी सांगितल्याचं एएनआयने म्हटलं आहे.

आणखी वाचा

“आधी मणिपूर ‘सेफ’ करा आणि मग…”; उद्धव ठाकरेंच्या शिवसेनेचं मोदी सरकारवर टीकास्र!

महायुतीला सत्ता मिळाली, लाडक्या बहिणींना २१०० रुपये कधीपासून…

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

“पंतप्रधान मोदींना स्मृतीभ्रंश झालाय, ते आजकाल…”; अमरावतीतल्या सभेतून राहुल गांधींचा हल्लाबोल!

Sharad Pawar: “मी बोलायला लागलो की पाऊस येतो आणि निकाल…”, शरद पवारांचं सूचक विधान; पावसातल्या ‘त्या’ सभेची पुन्हा चर्चा!

PM Narendra Modi : “काँग्रेसने गरिबी हटावचा खोटा नारा दिला, पण आता…”, पंतप्रधान मोदींचा विरोधकांवर हल्लाबोल

Revanth Reddy : “ते भारताचे पंतप्रधान आहेत, पण…”; तेलंगणाच्या मुख्यमंत्र्यांची नरेंद्र मोदींवर गंभीर टीका!

“बोगद्याचं नाव आम्ही बदलणार नाही. अटल बोगद्याचं नामांतर होणार नाही. आम्ही माजी पंतप्रधानांचा आदर करतो. पण भाजपाने ज्यांनी पायाभरणी केली होती, त्यांचाही आदर करायला हवा होता,” असं नवनियुक्त मुख्यमंत्री म्हणाले आहेत.

Atal Tunnel Photos: पाहा कसा आहे हायटेक सिस्टमसह जगातील सर्वात मोठा बोगदा

नव्याने निवडून आलेल्या काँग्रेस सरकारने अटलबिहारी वाजपेयींच्या समर्थनार्थ लावण्यात आलेला फलक काढल्यास आम्ही रस्त्यावर उतरु असा इशारा भाजपाने दिला आहे. त्यानंतर मुख्यमंत्र्यांनी आपली भूमिका मांडत हे विधान केलं आहे. राज्यातील भाजपा प्रवक्ते रणधीर शर्मा यांनी म्हटलं होतं की “सोनिया गांधी यांनी फक्त भुमीपूजन केलं होतं. पण सर्व काम वाजपेयी आणि केंद्र सरकारने केलं आहे”.

मुख्यमंत्री सुखू यांनी फलकावर सोनिया गांधी, दिवंगत माजी मुख्यमंत्री वीरभद्र सिंग, माजी केंद्रीय मंत्री प्रेमकुमार धुमाळ आणि तत्कालीन संरक्षण मंत्री ए के अँटोनी यांच्या नावांचा समावेश करत नव्याने लावणार असल्याचं याआधी म्हटलं होतं.

२०१० मध्ये सोनिया गांधींच्या हस्ते या बोगद्याचं भुमीपूजन करण्यात आलं होतं. ऑक्टोबर २०२० मध्ये पंतप्रधान नरेंद्र मोदी यांनी बोगद्याचं उद्घाटन केलं.

हा बोगदा ९.०२ कि.मी.चा असून तो मनाली ते लाहौल-स्पिती या भागांना जोडतो. पीर पांजाल पर्वतराजीत ३ हजार मीटर म्हणजे १० हजार फूट उंचीवर अत्याधुनिक तंत्रज्ञानाने त्याची बांधणी केली आहे. दक्षिण पोर्टल मनालीपासून २५ कि.मी अंतरावर व ३०६० मीटर उंचीवर आहे. उत्तर पोर्टल हे लाहौल खोऱ्यात सिसू येथील तेलिंग खेडय़ाजवळ ३०७१ मीटर उंचीवर आहे. घोडय़ाच्या नालेसारखा त्यातील मार्गिकांचा आकार असून या प्रकल्पाला ३३०० कोटी रुपये खर्च आला आहे.