बस १०० फूट दरीत कोसळल्यानंतरही पाचवीतल्या मुलामुळे वाचले दहा विद्यार्थ्यांचे प्राण

हिमाचल प्रदेशच्या कांगडा जिल्ह्यातील नुरपूर भागात सोमवारी संध्याकाळी स्कूल बसला भीषण अपघात झाला. बस १०० फूट खोल दरीत कोसळल्यानंतरही एका विद्यार्थ्याने प्रसंग ओळखून हिम्मत दाखवल्यामुळे दहा मुलांचे प्राण वाचवता आले. पाचव्या इयत्तेत शिकणारा रणबीरही या अपघातात जखमी झाला होता. पण रणबीरने स्वत:च्या दुखापती बाजूला ठेवल्या व दरीतून बाहेर पडल्यानंतर स्थानिक गावकऱ्यांना अपघाताची माहिती दिली. त्यामुळे अन्य दहा मुलांना वाचवता आले.