HMPV Virus India: करोनाच्या विषाणूला यशस्वीरीत्या पराभूत करण्यात जगाला यश आलं असलं, तरी आता पुन्हा एकदा चीनमधूनच आलेल्या एका नव्या विषाणूने जगभरातल्या शासनकर्त्यांची चिंता वाढवली आहे. चीनमध्ये HMPV नावाच्या एका नव्या विषाणूचा फैलाव होऊ लागला असून मोठ्या प्रमाणावर या विषाणूची लागण चीनमध्ये नागरिकांना झाल्याचं सांगितलं जात आहे. मात्र, आत्तापर्यंत या विषाणूचा एकही रुग्ण महाराष्ट्रात आढळला नसल्याचं आरोग्य विभागाकडून स्पष्ट करण्यात आलं आहे. तसेच, हा विषाणू करोनाइतका जीवघेणा नसल्याचं आरोग्यविषयक तज्ज्ञ सांगत आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
काय आहे हा विषाणू?
चीनमध्ये HMPV अर्थात ह्युमन मेटा न्यूमो व्हायरसची मोठ्या प्रमाणावर नागरिकांना लागण होऊ लागली आहे. यामुळे जाणवणाऱ्या आरोग्यविषयक समस्यांच्या उपचारांसाठी चीनमधील रुग्णालयांमध्ये रुग्ण दाखल होऊ लागले आहेत. करोनाच्या साधीमधून नुकतंच अवघं जग बाहेर पडलेलं असल्यामुळे नव्या विषाणूचा प्रसार सुरू होताच सर्वच देशांमध्ये नागरिकांना सतर्कतेचं आवाहन केलं जात आहे. दरम्यान, महाराष्ट्रात अद्याप या विषाणूचा एकही रुग्ण आढळला नसला तरी योग्य ती काळजी घेण्याचं आवाहन विभागाकडून करण्यात आलं आहे.
काय सांगतात आरोग्य तज्ज्ञ?
यासंदर्भात इंडियन मेडिकल असोसिएशन अर्थात IMA चे माजी अध्यक्ष अविनाश भोंडवे यांनी त्यांच्या एक्स अकाऊंटवरून एक व्हिडीओ जारी केला आहे. या व्हिडीओमध्ये त्यांनी या नव्या विषाणूबाबत सविस्तर माहिती दिली आहे.
HMPV विषाणू जगाला नवीन नाही!
“करोनाची महामारी जगभरात पसरली होती. लाखो लोक मृत्यूमुखी पडले होते. कोट्यवधी लोक बाधित झाले होते. त्याचप्रमाणे २०२५ च्या सुरुवातीला चीनमधून HMPV अर्थात ह्युमन मेटा न्यूमो व्हायरस नावाचा एक विषाणू पसरला आहे. पण हा विषाणू नवीन नाही. या विषाणूची साथ काही काळापूर्वी अमेरिका, कॅनडा व अन्य देशांतही आली होती”, असं डॉ. भोंडवे यांनी स्पष्ट केलं आहे.
काय आहेत HMPV विषाणूची लक्षणं?
डॉ. अविनाश भोंडवे यांनी व्हिडीओमध्ये HMPV विषाणूची लागण झाल्यास दिसणाऱ्या लक्षणांचा उल्लेख केला आहे. “हा कोविडसारखाच असला तरी कोविडच्या गटातला नाही. त्याची तीव्रता कोविडपेक्षा कमी आहे. त्याचा मृत्यूदरही कमी आहे. करोना विषाणूच्या गटापेक्षा या विषाणूचा गट वेगळा आहे. न्यूमोव्हिरीडी नावाच्या गटातला हा विषाणू आहे. याची बाधा झाल्यानंतर नाकातून सतत पाणी गळणं, शिंका येणं, खोकला येणं, घसा खवखवणं, ताप येणं अशी लक्षणं दिसतात. याची तीव्रता वाढत गेली, तर न्यूमोनिया होण्याचीही लक्षणं दिसून येतात. यातही ऑक्सिजनची पातळी कमी होऊ शकते. पण हा तितका धोकादायक नाही”, असं डॉ. भोंडवे यांनी नमूद केलं आहे.
HMPV विषाणूला घाबरू नका. श्वसनसंस्थेच्या या आजारात सर्दी,खोकला,ताप येतो, तो शिंका- खोकल्यातूनच पसरतो.पण कोरोनाइतका तो घातक नाही. २००१मध्येच त्याला विलग करून त्याचा अभ्यास झालेला आहे. चीन,जपान,अमेरिका,कॅनडामध्ये याचे रुग्ण पूर्वीपासून आढळत आहेत.भारतात याने बाधित रुग्ण आढळले नाहीत. pic.twitter.com/14WZ73rKyN
— Avinash Bhondwe (@AvinashBhondwe) January 6, 2025
“साधारण ५ ते १० दिवसांत हा आजार पूर्णपणे बरा होतो. व्यवस्थित विश्रांती व इतर काही औषधं घेतली तर व्यक्ती बरी होऊ शकते. या विषाणूवर अजूनही कोणतंही औषध नाही. पण हा विषाणू आपल्याला आधीपासूनच माहिती असल्यामुळे जर याची साथ पसरायला लागली तर याची लस लवकर येईल. त्यामुळे यापासून फार घाबरण्याचं कारण नाही. याचे प्रतिबंधात्मक उपाय करोनासारखेच आहेत. उदा. मास्क घालणं, गर्दीत न जाणं, इतरांपासून अंतर ठेवणं, साबण-पाण्याने किंवा सॅनिटायझरने हात सतत स्वच्छ करणे. हा करोनाइतका धोकादायक नसला, तरी आपण सावधगिरी नक्कीच बाळगली पाहिजे”, असंही डॉ. अविनाश भोंडवे यांनी नमूद केलं आहे.
काय आहे हा विषाणू?
चीनमध्ये HMPV अर्थात ह्युमन मेटा न्यूमो व्हायरसची मोठ्या प्रमाणावर नागरिकांना लागण होऊ लागली आहे. यामुळे जाणवणाऱ्या आरोग्यविषयक समस्यांच्या उपचारांसाठी चीनमधील रुग्णालयांमध्ये रुग्ण दाखल होऊ लागले आहेत. करोनाच्या साधीमधून नुकतंच अवघं जग बाहेर पडलेलं असल्यामुळे नव्या विषाणूचा प्रसार सुरू होताच सर्वच देशांमध्ये नागरिकांना सतर्कतेचं आवाहन केलं जात आहे. दरम्यान, महाराष्ट्रात अद्याप या विषाणूचा एकही रुग्ण आढळला नसला तरी योग्य ती काळजी घेण्याचं आवाहन विभागाकडून करण्यात आलं आहे.
काय सांगतात आरोग्य तज्ज्ञ?
यासंदर्भात इंडियन मेडिकल असोसिएशन अर्थात IMA चे माजी अध्यक्ष अविनाश भोंडवे यांनी त्यांच्या एक्स अकाऊंटवरून एक व्हिडीओ जारी केला आहे. या व्हिडीओमध्ये त्यांनी या नव्या विषाणूबाबत सविस्तर माहिती दिली आहे.
HMPV विषाणू जगाला नवीन नाही!
“करोनाची महामारी जगभरात पसरली होती. लाखो लोक मृत्यूमुखी पडले होते. कोट्यवधी लोक बाधित झाले होते. त्याचप्रमाणे २०२५ च्या सुरुवातीला चीनमधून HMPV अर्थात ह्युमन मेटा न्यूमो व्हायरस नावाचा एक विषाणू पसरला आहे. पण हा विषाणू नवीन नाही. या विषाणूची साथ काही काळापूर्वी अमेरिका, कॅनडा व अन्य देशांतही आली होती”, असं डॉ. भोंडवे यांनी स्पष्ट केलं आहे.
काय आहेत HMPV विषाणूची लक्षणं?
डॉ. अविनाश भोंडवे यांनी व्हिडीओमध्ये HMPV विषाणूची लागण झाल्यास दिसणाऱ्या लक्षणांचा उल्लेख केला आहे. “हा कोविडसारखाच असला तरी कोविडच्या गटातला नाही. त्याची तीव्रता कोविडपेक्षा कमी आहे. त्याचा मृत्यूदरही कमी आहे. करोना विषाणूच्या गटापेक्षा या विषाणूचा गट वेगळा आहे. न्यूमोव्हिरीडी नावाच्या गटातला हा विषाणू आहे. याची बाधा झाल्यानंतर नाकातून सतत पाणी गळणं, शिंका येणं, खोकला येणं, घसा खवखवणं, ताप येणं अशी लक्षणं दिसतात. याची तीव्रता वाढत गेली, तर न्यूमोनिया होण्याचीही लक्षणं दिसून येतात. यातही ऑक्सिजनची पातळी कमी होऊ शकते. पण हा तितका धोकादायक नाही”, असं डॉ. भोंडवे यांनी नमूद केलं आहे.
HMPV विषाणूला घाबरू नका. श्वसनसंस्थेच्या या आजारात सर्दी,खोकला,ताप येतो, तो शिंका- खोकल्यातूनच पसरतो.पण कोरोनाइतका तो घातक नाही. २००१मध्येच त्याला विलग करून त्याचा अभ्यास झालेला आहे. चीन,जपान,अमेरिका,कॅनडामध्ये याचे रुग्ण पूर्वीपासून आढळत आहेत.भारतात याने बाधित रुग्ण आढळले नाहीत. pic.twitter.com/14WZ73rKyN
— Avinash Bhondwe (@AvinashBhondwe) January 6, 2025
“साधारण ५ ते १० दिवसांत हा आजार पूर्णपणे बरा होतो. व्यवस्थित विश्रांती व इतर काही औषधं घेतली तर व्यक्ती बरी होऊ शकते. या विषाणूवर अजूनही कोणतंही औषध नाही. पण हा विषाणू आपल्याला आधीपासूनच माहिती असल्यामुळे जर याची साथ पसरायला लागली तर याची लस लवकर येईल. त्यामुळे यापासून फार घाबरण्याचं कारण नाही. याचे प्रतिबंधात्मक उपाय करोनासारखेच आहेत. उदा. मास्क घालणं, गर्दीत न जाणं, इतरांपासून अंतर ठेवणं, साबण-पाण्याने किंवा सॅनिटायझरने हात सतत स्वच्छ करणे. हा करोनाइतका धोकादायक नसला, तरी आपण सावधगिरी नक्कीच बाळगली पाहिजे”, असंही डॉ. अविनाश भोंडवे यांनी नमूद केलं आहे.
