अहमदाबादमध्ये रुग्णालयात आग; १२५ रुग्णांची सुटका

पीटीआय, अहमदाबाद : गुजरातमधील अहमदाबाद शहरातील दहा मजली रुग्णालयाच्या इमारतीच्या तळघरात रविवारी आग लागली आणि परिसरात दाट धुराचे लोट पसरले. त्यानंतर खबरदारीचा उपाय म्हणून सुमारे १२५ रुग्णांना सुरक्षितरित्या बाहेर काढण्यात आल्याची माहिती अधिकाऱ्यांनी दिली. शहरातील साहिबबाग येथील राजस्थान रुग्णालयात पहाटे साडेचारला ही आग लागली. या आगीत कोणतीही जीवितहानी झाल्याचे वृत्त नाही.