“चंद्राच्या पृष्ठभागाचे नामकरण करण्याचा अधिकार मोदींना कोणी दिला?”, काँग्रेस नेत्याचा संतप्त सवाल

पंतप्रधान मोदी काय म्हणाले?

“चांद्रयान-३ चे ‘विक्रम’ लँडर ज्या ठिकाणी उतरलं, ती जागा आता ‘शिवशक्ती’ पॉईंट नावानं ओळखली जाईल. भारताच्या चांद्रयान-३ नं २३ ऑगस्टला चंद्रावर लँडिग केलं आहे. त्यामुळे हा दिवस राष्ट्रीय अंतराळ दिवस म्हणून ओळखला जाणार आहे. चांद्रयान-२ चे लँडर ज्या ठिकाणी कोसळलं, त्या स्थानालाही तिरंगा पॉईंट म्हणून ओळखलं जाईल,” असं मोदींनी सांगितलं.

आणखी वाचा

Ajit Pawar : “…तर सरकारलाही अर्थ नाही”, अजित पवार आणि अर्थ खात्यावरून अमोल मिटकरींचा महायुतीलाच टोला

Madhuri Dixit : डर चित्रपट माधुरी दीक्षितने का…

“संविधानाची विटंबना करण्याचे धाडस होतेच कसे,” नाना पटोले यांची टीका; म्हणाले…

चतु:सूत्र : संविधाननिर्मितीचे श्रेय कोणाला?

महाराष्ट्र पुढे जाणार तरी कसा?

मोदी-अदाणीविरोधात काँग्रेस आक्रमक; राहुल गांधींच्या अनोख्य आंदोलनाने वेधले लक्ष

“समुहाने निवडून दिलेली राजेशाही…”, निवडणुकीनंतर मराठी दिग्दर्शकाची सूचक पोस्ट; म्हणाला, “लोकशाहीच्या नावाखाली…”

Aaditya Thackeray : “आम्हाला ‘बटेंगे तो कटेंगे’ सांगणारे अशावेळी जातात कुठे?” बेळगावच्या प्रश्नावर आदित्य ठाकरेंचा भाजपाला सवाल

हेही वाचा : चांद्रयान ३ मोहिमेबाबत बोलताना मोदी भावुक; म्हणाले, “जेव्हा यान उतरलं…!”

“चंद्र आपल्या मालकीचा नाही”

यावरून काँग्रेस नेते राशिद अल्वी यांनी पंतप्रधान मोदींवर टीका केली आहे. एका वृत्तवाहिनीशी बोलताना राशिद अल्वी म्हणाले, “चंद्राच्या पृष्ठभागाचे नामकरण करण्याचा अधिकार मोदींना कोणी दिला? हे हास्यास्पद आहे. या नामकरणानंतर पूर्ण जग आपल्यावर हसेल. चंद्राच्या त्या भागावर लँडिंग झाली, याचा आम्हाला गर्व आहे. पण, चंद्र आपल्या मालकीचा नाही. अथवा लँडिंग पॉईंटही आपल्या मालकीचा नाही.”

“भाजपाला नाव बदलण्याची सवय”

“असे करणे भाजपाचा स्वभाव झाला आहे. सत्तेत आल्यापासून नाव बदलण्याची त्यांना सवय झाली आहे,” अशी टीका राशिद अल्वी यांनी केली.

हेही वाचा : ‘विक्रम’ लँडरमधून बाहेर पडत ‘प्रज्ञान’चा प्रवास सुरु, ‘इस्रो’नं शेअर केला VIDEO

“पंतप्रधान मोदी राजकारण करत आहेत”

यूपीए सरकारच्या काळात चांद्रयान-१ उतरलेल्या भागाला जवाहर पॉईंट नाव ठेवण्यात आलं होतं, असा प्रश्न विचारल्यावर राशिद अल्वी यांनी म्हटलं, “जवाहरलाल नेहरू यांच्याशी तुलना करू शकत नाही. पंडित जवाहरलाल नेहरू यांच्यामुळेच ‘इस्रो’ आहे. १९६२ साली जवाहरलाल नेहरू आणि विक्रम साराभाई यांनी इस्रोची स्थापना केली होती. पंडित नेहरू ‘इस्रो’चे संस्थापक होते. तो विषय पूर्णपणे वेगळा आहे. पण, पंतप्रधान मोदी राजकारण करत आहेत.”