Viral Video : प्रियकराबरोबर कारमध्ये दिसली बायको! नवऱ्याने थेट कारच्या बोनेटवर मारली उडी, एक किमीपर्यंत नेलं फरपटत

अखेर काही मोठी दुर्घटना होण्याआधी दुसर्‍या एका वाहनाने अडवे येत ही कार थांबवण्यास भाग पाडले. मोरादाबाद आग्रा राज्य महामार्गावर हा प्रकार घडला. कार थांबल्यानंतर सुरक्षा रक्षकाने खाली उडी मारत कारचा दरवाजा उघडला आणि पत्नीच्या प्रियकराला ओढून बाहेर काढले. रस्त्याच्या मधोमध सुमारे ३० मिनिटे हा गोंधळ सुरू होता, यामुळे महामार्गावर वाहतूक कोंडी झाली.

त्यानंतर कारचालक आरोपी नजरुल हसन (३२) याच्याविरोधात सुरक्षा रक्षकाने काटघर पोलिस ठाण्यात तक्रार दाखल केली आगे. नजरूल हा मोहम्मद समीर (३१) याची पत्नी नूर अफशा (२९) हिच्यासोबत कारमध्ये होता.

समीर कारच्या बॉनेटला पकडून बसलेला आणि कार सुमारे ८० ते ९० किमी प्रतितास वेगाने जात असल्याचा व्हिडिओ सोशल मीडियावर तुफान व्हायरल होत आहे. समीर हा काटघर येथील रहिवासी असून तो सुरक्षा रक्षक म्हणून काम करतो. समीरने आपल्या पोलिस तक्रारीत आरोप केला आहे की, त्याची शिक्षिका असलेल्या पत्नीचे बिलारी येथील टॅक्सी चालक हसनसोबत प्रेमसंबंध आहेत.

“प्रादेशिक परिवहन कार्यालयाजवळ बुधवारी संध्याकाळी मला माझी पत्नी हसनबरोबर कारमध्ये दिसली. जेव्हा मी त्यांच्याशी बोलायला गेलो तेव्हा हसनने पळून जाण्याचा प्रयत्न केला. मी कारच्या पुढे जाऊन त्यांना थांबवण्याचा प्रयत्न केला आणि त्यानंतर मी गाडीच्या बोनेटवर अडकलो.”

मुरादाबाद शहराचे एसपी रणविजय सिंह यांनी टाइम्स ऑफ इंडियाशी बोलताना सांगितले की, “आफशा आणि हसनचे नऊ वर्षांपूर्वी समीरशी लग्न होण्याआधी नातेसंबंध होते. लग्नानंतर तिच्या आणि समीर वाद होऊ लागले आणि त्यामुळे ते गेल्या सात वर्षांपासून वेगळे राहत आहेत”.

दरम्यान या प्रकरणी पोलीसांनी बीएनएस कलम २८१, १२५, आणि ११५(२) याबरोबरच ३५२ या अंतर्गत हसनविरुद्ध एफआयआर नोंदवला आहे.