12 वीच्या बोर्ड परिक्षेचा पेपर देताना एका विद्यार्थ्याचा हृदयविकाराच्या झटक्याने मृत्यू झाला. शनिवारी तेलंगणाची राजधानी हैदराबाद येथे ही घटना घडली. पेपरआधी त्याने छातीत दुखत असल्याची तक्रार केली होती पण रुग्णालयात जाण्यास नकार दिला होता. मृत विद्यार्थ्याचा मृतदेह शवविच्छेदनासाठी पाठवण्यात आला असून पोलिस या प्रकरणाची चौकशी करत आहेत.
Hyderabad: A student died allegedly of heart attack at examination hall before his 12th board exam. He complained of chest pain a few mins before exam but refused to go to hospital. He entered examination hall & collapsed at his bench. Body sent for post-mortem. Case registered.
— ANI (@ANI) March 2, 2019
गोपी राजू (वय-19) असं मृत विद्यार्थ्याचं नाव असून तो चैतन्या कॉलेजमध्ये शिक्षण घेत होता. परिक्षेला जाताना त्याने छातीत दुखत असल्याची तक्रार केली होती, मात्र परिक्षेसाठी उपस्थिती लावणे महत्वाचे असल्याने त्याने रुग्णालयात जाण्यास नकार दिला होता. थोड्यावेळाने तो परीक्षा केंद्रावर पोहोचला, पण स्वतःच्या बेंचजवळ पोहोचताच तो खाली पडला. तातडीने त्याला खासगी रुग्णालयात दाखल करण्यात आलं होतं, पण डॉक्टरांनी त्याला मृत घोषीत केलं.
