भाजप, संघात जाणाऱ्या मुस्लिमांना चोपणार: शाही इमाम

कोलकातामधील पत्रकार परिषदेत टिपू सुलतान मशिदीचे शाही इमाम मौलाना नुरुर रेहमान बरकती यांनी भाजपवर टीकेची झोड उठवली. भाजप आणि संघ पश्चिम बंगालमध्ये शब-ए- बरातच्या आयोजनात अडथळे आणत असल्याचा आरोप त्यांनी केला. संघ आणि भाजपमध्ये जाणाऱ्या मुस्लिमांना आम्ही शिक्षा देऊ. चांगला चोप दिल्यावर त्यांना इस्लाम धर्मातून काढून टाकू अशी धमकीच त्यांनी दिली आहे. मुस्लिमांनी कोणत्याही राजकीय पक्षासाठी काम करावे. पण संघ आणि भाजपसाठी त्यांनी काम करु नये असे त्यांनी सांगितले. भाजपने जर संघापासून फारकत घेऊन काम केले तर मुस्लिम समाजातील व्यक्ती भाजपसाठी काम करु शकेल असेही त्यांनी सांगितले. हिंदू समाजातील धर्मनिरपेक्ष मंडळींनीही एकत्र येऊन भाजप आणि संघाविरोधात उभे राहावे असे आवाहन त्यांनी केले.

आणखी वाचा

नाराज एकनाथ शिंदेंची भाजपकडून मनधरणी, फडणवीस – शहा चर्चेनंतर मंत्रिमंडळ विस्ताराच्या हालचालींना वेग

Chastity Belt: योनी शुचिता पट्ट्याचा इतिहास आणि त्यामागील…

पुणे: खडकीत दोघा तरुणांवर कोयत्याने वार

“एकनाथ शिंदे, अजित पवार यांच्यात ‘बार्गेनिंग पॉवर’ नाही,” विजय वडेट्टीवार असे का म्हणाले? वाचा…

अन्वयार्थ : ‘सांविधानिक भावना दुखावण्या’पल्याड…

अग्रलेख : वंग(मैत्री)भंगाचे वास्तव…

मीरा रोड दंगल प्रकरण : १४ मुस्लिम तरुणांना उच्च न्यायालयाकडून जामीन

आमदार योगेश टिळेकर यांच्या मामाचे अपहरण, पोलिसांकडून अपहरणकर्त्यांचा शोध

संघाकडून मुस्लिमांवर हल्ले होत असल्याने त्यांच्या संघटनेत मुस्लिमांनी जाणे योग्य नाही. पंतप्रधान नरेंद्र मोदींनी आपण संघाचे स्वयंसेवक नसून देशाचे पंतप्रधान आहेत आणि देशाचे रक्षण करणे हे आपले काम आहे हे विसरु नये असेही बरकती म्हणालेत. मशिदीबाहेर ‘जय श्री राम’ अशा घोषणा देणाऱ्या मंडळींवर मुस्लिम समाज किती दिवस गप्प बसेल हे माहित नाही असेही त्यांनी नमूद केले. तिहेरी तलाकचेही शाही इमाम बरकती यांनी समर्थन केले आहे. मुस्लिम पर्सनल लॉ बोर्डामध्ये तिहेरी तलाकवरुन सध्या राजकारण सुरु आहे. पण बोर्डाने शरीयतसाठी लढा दिलाच पाहिजे. तिहेरी तलाकवरुन सुरु झालेल्या वादावार तोडगा निघायला पाहिजे असेही त्यांनी सांगितले.