चीनमधल्या शाळेत विद्यार्थ्यांवर चाकू हल्ला, २० मुलांना भोसकलं

रुग्णालयाबाहेर सहा पोलीस व्हॅन उभ्या असल्याचे प्रत्यक्षदर्शीने सांगितले. शिचेंग प्रशासनाने या हल्ल्याबद्दल अधिक माहिती दिलेली नाही. या हल्ल्यात विद्यार्थ्यांच्या डोक्याकडच्या भागाला जखमा झाल्या आहेत असे सोशल मीडियावरील पोस्टमध्ये म्हटले आहे.

चीनमध्ये हिंसक गुन्हे दुर्मिळ आहेत. पण मागच्या काही वर्षात चाकू आणि कुऱ्हाडीने हल्ला होण्याच्या घटना वाढल्या आहेत. जानेवारी २०१७ मध्ये दक्षिण चीनमध्ये एका माणसाने मनासारखे आयुष्यात घडत नसल्याबद्दल नैराश्यातून भाजी कापण्याच्या चाकूने १२ मुलांवर हल्ला केला होता.