Uttar Pradesh : सेल्फी काढण्याचा मोह अनेकदा जीवावर बेततो. गेल्या काही दिवसांत सेल्फी काढण्याच्या नादात अनेकांनी आपला जीव गमावला आहे. अशातच आता उत्तर प्रदेशमध्येही सेल्फी काढण्याच्या मोहापायी एक सरकारी अधिकारी गंगा नदीत वाहून गेल्याची घटना घडली आहे. आदित्य वर्धन सिंह असं या सरकारी अधिकाऱ्याचं नाव आहे. ते उत्तर प्रदेशच्या आरोग्य विभागात उपसंचालक म्हणून कार्यरत असल्याची माहिती आहे.
नेमकं काय घडलं?
टाईम्स ऑफ इंडियाने पोलिसांच्या हवाल्याने दिलेल्या वृत्तानुसार, शनिवारी दुपारी उन्नावच्या बिल्लोर जिल्ह्यातील नानामऊ घाटावर ही घटना घडली. आदित्य वर्धन सिंह त्यांच्या मित्रांसह या घाटावर आंघोळ करण्यासाठी गेले होते. यावेळी त्यांनी एका मित्राला फोटो काढण्यात सांगितले आणि पोज देण्यासाठी ते आणखी खोल पाण्यात गेले. मात्र, पाण्याचा प्रवाह जास्त असल्याने त्यांचा तोल गेला आणि ते वाहून गेले.
आदित्य वर्धन सिंह यांच्या मित्रांनी लगेच तिथे असलेल्या खासगी डायव्हर्सकडे मदत मागितली. मात्र, त्यांनी आदित्य यांना वाचवण्यासाठी १० हजार रुपयांची मागणी केली. त्यांच्या मित्रांकडे १० हजार रुपये नगदी नसल्याने डायव्हर्सनी त्यांना जवळच्या दुकानात जाऊन ऑनलाईन पेमेंट करण्यात सांगितले. मात्र, या व्यवहारात १० ते १५ मिनिटे वेळ वाया गेल्याने या दरम्यान आदित्य वर्धन सिंह बराच दूर वाहून गेले होते.
यासंदर्भात बोलताना उन्नावचे पोलीस उपायुक्त राजेश कुमार सिंह म्हणाले, प्राथमिक माहितीनुसार, आदित्य वर्धन सिंह यांना सूर्याला जल देताना फोटो काढायचा होता. यासाठी ते खोल पाण्यात गेले. पण पाण्याचा प्रवाह जास्त असल्याने त्यांचा तोल गेला. या घटनेची माहिती मिळताच पोलीस आणि आपत्ती व्यवस्थापन विभागाचे पथक घटनास्थळी दाखल झाले. गेल्या ७२ तासांपासून त्यांना शोधण्याचा प्रयत्न सुरू आहे. मात्र, अद्याप यश आलेले नाही.
दरम्यान, खासगी डायवर्स हे आदित्य वर्धन सिंह यांना वाचवू शकले असते. मात्र, पैशांच्या लालचेपोटी त्यांनी पाण्यात उतरण्यास उशीर केला. त्यामुळे आदित्य बराच दूर वाहून गेले, असा आरोप त्यांच्या मित्रांनी केला आहे. महत्त्वाचे म्हणजे आदित्य यांच्या मित्रांनी केलेल्या आरोपानंतर आम्ही तपास सुरू केला असून त्यात तथ्य आढळल्यास खासगी डायवर्सवर कायदेशीर कारवाई केली जाईल, अशी माहिती बिल्लोरचे सहाय्यक पोलीस आयुक्त अजय कुमार त्रिवेदी यांनी दिली आहे.
नेमकं काय घडलं?
टाईम्स ऑफ इंडियाने पोलिसांच्या हवाल्याने दिलेल्या वृत्तानुसार, शनिवारी दुपारी उन्नावच्या बिल्लोर जिल्ह्यातील नानामऊ घाटावर ही घटना घडली. आदित्य वर्धन सिंह त्यांच्या मित्रांसह या घाटावर आंघोळ करण्यासाठी गेले होते. यावेळी त्यांनी एका मित्राला फोटो काढण्यात सांगितले आणि पोज देण्यासाठी ते आणखी खोल पाण्यात गेले. मात्र, पाण्याचा प्रवाह जास्त असल्याने त्यांचा तोल गेला आणि ते वाहून गेले.
आदित्य वर्धन सिंह यांच्या मित्रांनी लगेच तिथे असलेल्या खासगी डायव्हर्सकडे मदत मागितली. मात्र, त्यांनी आदित्य यांना वाचवण्यासाठी १० हजार रुपयांची मागणी केली. त्यांच्या मित्रांकडे १० हजार रुपये नगदी नसल्याने डायव्हर्सनी त्यांना जवळच्या दुकानात जाऊन ऑनलाईन पेमेंट करण्यात सांगितले. मात्र, या व्यवहारात १० ते १५ मिनिटे वेळ वाया गेल्याने या दरम्यान आदित्य वर्धन सिंह बराच दूर वाहून गेले होते.
यासंदर्भात बोलताना उन्नावचे पोलीस उपायुक्त राजेश कुमार सिंह म्हणाले, प्राथमिक माहितीनुसार, आदित्य वर्धन सिंह यांना सूर्याला जल देताना फोटो काढायचा होता. यासाठी ते खोल पाण्यात गेले. पण पाण्याचा प्रवाह जास्त असल्याने त्यांचा तोल गेला. या घटनेची माहिती मिळताच पोलीस आणि आपत्ती व्यवस्थापन विभागाचे पथक घटनास्थळी दाखल झाले. गेल्या ७२ तासांपासून त्यांना शोधण्याचा प्रयत्न सुरू आहे. मात्र, अद्याप यश आलेले नाही.
दरम्यान, खासगी डायवर्स हे आदित्य वर्धन सिंह यांना वाचवू शकले असते. मात्र, पैशांच्या लालचेपोटी त्यांनी पाण्यात उतरण्यास उशीर केला. त्यामुळे आदित्य बराच दूर वाहून गेले, असा आरोप त्यांच्या मित्रांनी केला आहे. महत्त्वाचे म्हणजे आदित्य यांच्या मित्रांनी केलेल्या आरोपानंतर आम्ही तपास सुरू केला असून त्यात तथ्य आढळल्यास खासगी डायवर्सवर कायदेशीर कारवाई केली जाईल, अशी माहिती बिल्लोरचे सहाय्यक पोलीस आयुक्त अजय कुमार त्रिवेदी यांनी दिली आहे.
