मुस्लीम समाजातील विद्यार्थ्याला भर वर्गात थप्पड मारल्याप्रकरणी देशभरातून संताप व्यक्त केला जातोय. विद्यार्थ्याच्या वर्गमित्रानांच थप्पड मारण्यास सांगणाऱ्या त्रिप्ता त्यागी (६०) या शिक्षिकेविरोधात गुन्हा दाखल करण्यात आला आहे. तिच्या मालकीच्या नेहा पब्लिक स्कुल या शाळेविरोधात कारवाईबाबत चाचपणी करण्यात येत आहे. दरम्यान, या शाळेला कारणे दाखवा नोटीसही पाठवण्यात आली आहे. या सर्व पार्श्वभूमीवर शिक्षिकेची तक्रार करणाऱ्या विद्यार्थ्यांच्या पालकांवर आता तक्रार मागे घेण्यासाठी गावकऱ्यांकडून दबाव टाकला जात असल्याचे वृत्त समोर येत आहे.

व्हिडीओत नेमकं काय दिसतंय?

आरोपी शिक्षिकेने मुस्लीम विद्यार्थ्याला सर्वांसमोर उभं केलं. यानंतर वर्गातील सर्व विद्यार्थ्यांना समोर येऊन या विद्यार्थ्याला मारण्यास सांगितले. तसेच मी तर आता जाहीर केलं आहे की, या मुस्लीम मुलांनी त्यांच्या भागात (मुस्लीम वस्तीत) जावं. शिक्षिकेच्या आदेशानंतर वर्गातील एका मुलाने पीडित मुस्लीम मुलगा रडत असतानाही त्याच्या तोंडावर चापट मारली. यानंतर शिक्षिका त्या मुलाला म्हणाली की, तू असं काय मारतो आहेस, जोरात मार. यानंतर आणखी दोन मुलं उठली आणि त्यांनीही पीडित मुलाला मारहाण केली.

Mohan Babu files police complaint against son Manchu Manoj
ज्येष्ठ अभिनेत्याने मुलगा अन् सूनेविरोधात दिली तक्रार; मुलानेही वडिलांवर केले आरोप
nana patekar reacts on allu arjun arrest
अल्लू अर्जुनच्या अटक प्रकरणावर नाना पाटेकर म्हणाले, “कोणाला…
Gashmeer Mahajani
“…तरच मूल होऊ द्या”, पालकत्वाविषयी स्पष्टच बोलला गश्मीर महाजनी; म्हणाला, “तुम्ही आई-वडील म्हणून कैद…”
Vasai-Virar City Municipal Corporation
प्रभारी आयुक्त रमेश मनाळे यांची समाजमाध्यमावर बदनामी
a student expressed about life after his father death
“अपघातात वडील वारले अन्…” चिमुकल्याने सांगितली व्यथा; विद्यार्थ्यांसह शिक्षकही रडले, पाहा VIRAL VIDEO
UP Court Grants Bail to Teacher in Muslim Student Assault Case
वर्गातील मुलाला मुस्लिम विद्यार्थ्याच्या कानाखाली मारायला सांगणाऱ्या शिक्षिकेला न्यायालयाकडून जामीन
Uday Pratap College is spread over 100 acres of land and is a renowned educational hub in eastern Uttar Pradesh. (Photo: College Website)
Varanasi college  : शुक्रवारच्या नमाज पठणाविरोधात हनुमान चालीसाचा जप, महाविद्यालयात तणाव, कुठे घडली ही घटना?
Salman khan baba siddique
Baba Siddique : बाबा सिद्दिकींच्या आधी सलमान खान होता हल्लेखोरांच्या रडारवर; आरोपींच्या चौकशीतून धक्कादायक खुलासा!

हेही वाचा >> संतापजनक! उत्तर प्रदेशमधील शाळेत द्वेषाचे धडे, भरवर्गात मुस्लीम विद्यार्थ्याला उभं केलं आणि सर्व विद्यार्थ्यांना….

जातीवादी उच्चार करून मुलाला थप्पड मारल्याप्रकरणाचा प्रकार समोर आल्यानंतर याविरोधात पोलिसांत तक्रार दाखल करण्यात आली. परंतु, तक्रार दाखल केल्यानंतर शनिवारी या कुटुंबियांच्या घरी राजकारणी, गावातील नेते, मीडिया आणि स्थानिकांनी पीडित मुलाच्या वडिलांची भेट घेतली. शिक्षिकेविरोधात केलेली तक्रार मागे घेण्यासाठी या पुढाऱ्यांनी त्यांच्यावर दबाव आणला असल्याचा दावा करण्यात आला आहे.

काय म्हटलं स्थानिक पुढाऱ्यांनी?

“आता हे नाटक बंद करा. आम्हाला या गावात मीडिया नकोय. पोलीस ठाण्यात जाऊन एफआयआर दाखल करण्याची गरज नसल्याचं सांगून या. दाखल केलेला गुन्हा मागे घ्या. नाहीतर याचे गंभीर परिणाम भोगावे लागतील”, असा धमकी वजा इशाराच पुरा गावचे प्रमुख नरेंद्र त्यागी यांनी दिला आहे.. तर, दुसरीकडे आरएलडी आणि भीम आर्मीने या कुटुंबाला समर्थन दिलं आहे.

हेही वाचा >> “…म्हणून मी मुस्लीम विद्यार्थ्याला मारहाण करायला लावली”, आरोपी शिक्षिकेचं स्पष्टीकरण

शिक्षिकेविरोधात कोणत्या कलमाअंतर्गत गुन्हा?

शिक्षिकेविरोधात आयपीसी कलम ३२३ (दुखापत करणे), ५०४ (हेतुपुरस्सर शांतता भंग करणे) अंतर्गत मुलाच्या जबानीनुसार आणि वडिलांच्या तक्रारीनुसार गुन्हा दाखल करण्यात आला आहे.

शेतकरी नेते राकेश टिकैत यांच्याकडून शांतता बैठक

शेतकरी नेते राकेश टिकैत यांनी शनिवारी शांतता बैठक आयोजित केली होती. या प्रकरणात तडजोड करण्याची मागणी त्यांनी केली आहे. तसंच, शिक्षिकेविरोधातील तक्रारही मागे घेण्यास सांगण्यात आले आहे.

पीडित मुलाचे वडिल काय म्हणाले?

“शिक्षिकेविरोधात कारवाई व्हावी, अशी आमची इच्छा नाही. मी एक शेतमजूर आहे. माझा मुलगा आणि त्याचा चुलत भाऊ तिथे गेले काही वर्षे शिक्षण घेत आहेत. फक्त शिक्षकांनी माफी मागावी आणि याबाबत त्यांनी स्पष्टीकरण द्यावं, एवढीच आमची अपेक्षा आहे”, असं वडिलांनी इंडियन एक्स्प्रेसला दिलेल्या मुलाखतीत म्हटलं आहे.

“माझ्या पुतण्याने व्हिडीओ शूट केला आणि गुरुवारी मला दाखवला. माझ्या मुलाला ओळखीवरून मारहाण होत असल्याचे पाहून आम्हाला धक्काच बसला. त्याने गृहपाठ केला नसल्याने त्याचा अपमान करण्यात आला. परंतु, याआधी गावात असं कधीच घडलं नव्हतं. आपण आता सगळेच याबाबत बोलत आहेत”, असंही ते म्हणाले.

“मी आता माझ्या मुलाला तिथे पाठवू शकत नाही. या व्हिडीओमुळे मी आणि माझी पत्नी पुरते घाबरलो आहोत. त्यामुळे आम्ही आता त्याला दुसऱ्या शाळेत टाकणार आहोत”, असंही त्यांनी स्पष्ट केलं.

शिक्षिकेने काय म्हटलं?

“संबंधित विद्यार्थ्याला शिस्त लावण्याचा प्रयत्न करत होती. त्या मुलाच्या काकानेच मला असं करण्यास सांगितलं होतं. मी ‘अपंग’ असल्याने मी इतर विद्यार्थ्यांना मारण्यास सांगितलं”, असं स्पष्टीकरण आरोपी शिक्षिकेनं दिलं आहे.

Story img Loader