“मुस्लिमांसाठी भारत राहण्यायोग्य देश नाही, माझ्या मुलांना मी…”; RJD नेत्याच्या विधानाने नवा वाद! BJP म्हणते, “अशी लोक स्वत:ला…”

सिद्दकी यांनी आपल्या मुलांचं शिक्षण परदेशात झालं असून आपण त्यांना तिकडेच स्थायिक होण्याचा सल्ला दिल्याचं सांगितलं. “मला एक मुलगा आणि एक मुलगी आहे. मुलगा सध्या हार्डवर्डमध्ये शिक्षण घेत आहे. मुलगी लंडन स्कूल ऑफ इकनॉमिक्समधून उत्तीर्ण झाली आहे. देशातील वातावरण सध्या असं आहे की मी माझ्या मुलांना सांगितलं आहे की तिकडेच नोकरी करा. नागरिकत्व मिळालं तरी घेऊन टाका,” असं मुलांना सुचवल्याचं सिद्दकी म्हणाले. तसेच, “भारतातील सध्याची परिस्थिती तुम्ही सहन करु शकणार नाही. तुम्ही विचार करु शकता की एखादे आई-वडील किती त्रास सहन करुन आपल्या मुलांना हे सांगत आहेत की आपली मातृभूमी सोडा,” असंही सिद्दकी म्हणाले.

आणखी वाचा

“…तर मतांचे धर्मयुद्ध आपल्यालाही लढावं लागेल”; सज्जाद नोमानींच्या व्हिडीओवरून देवेंद्र फडणवीसांचा हल्लाबोल!

Nana Patole : निकालाआधी राजकीय घडामोडींना वेग; यातच…

Vote Jihad: “एक ऐसा व्होट जिहाद…”, सज्जाद नोमानी यांच्या विधानाचा व्हिडीओ शेअर करत आशिष शेलारांची मविआवर टीका

Revanth Reddy : “ते भारताचे पंतप्रधान आहेत, पण…”; तेलंगणाच्या मुख्यमंत्र्यांची नरेंद्र मोदींवर गंभीर टीका!

मुस्लिमांना आरक्षण मिळू देणार नाही; केंद्रीय मंत्री अमित शहा यांचे परखड प्रतिपादन

पाकिस्तानी गँगस्टरकडून मिथुन चक्रवर्ती यांना धमकी, मुस्लिमांबद्दल केलेल्या ‘त्या’ वक्तव्याचा उल्लेख करत म्हणाला…

Vikrant Massey : “देशातल्या मुस्लिमांना धोका नाही, कुणीही..”, विक्रांत मेस्सीचं वक्तव्य; टीकेचा भडीमार

Ramesh Chennithala : “हरियाणाच्या निवडणुकीतून खूप शिकायला मिळालं, त्यामुळे ८० टक्के बंडखोरांनी…”, रमेश चेन्निथला यांचं महाराष्ट्राच्या निवडणुकीबाबत मोठं भाष्य

“भारत हा मुस्लिमांसाठी राहण्यासारखा देश राहिलेला नाही,” असं सिद्दकी यांनी म्हटल्याचं वृत्त ‘टाइम्स ऑफ इंडिया’ने ‘टाइम्स नाऊ’ला सिद्दकी यांनी दिलेल्या प्रतिक्रियेच्या आधारे दिलं आहे. सिद्दकी यांच्या या विधानावरुन भाजपाने संताप व्यक्त केला आहे. भाजपाचे बिहारमधील प्रवक्त्यांनी पक्षाची भूमिका मांडली.

“त्यांनी जे विधान केलं आहे तीच राष्ट्रीय जनता दलाची भूमिका दर्शवते,” अशी टीका बिहार भाजपाचे प्रवक्ते निखिल आनंद यांनी केली आहे. “सिद्दकींसारखी लोक स्वत:ला उदारमतवादी म्हणवतात मात्र त्यांची विचारसणी ही मदरशांमधील लोकांसारखी आहे,” असा टोलाही आनंद यांनी लगावला. “ते आपल्याच देशाविरोधात गरळ ओकत आहेत,” असं म्हणत आनंद यांनी आपला संताप व्यक्त केला.