Bibek Debroy Passes Away : ज्येष्ठ अर्थतज्ज्ञ बिबेक देबरॉय यांचे निधन

पंतप्रधान नरेंद्र मोदी यांनी देबरॉय यांच्या कार्याचा उल्लेख करत त्यांच्या अतुलनीय योगदानाबद्दल कृतज्ञता व्यक्त केली आहे. ‘देबरॉय हे ज्ञानी असं व्यक्तिमत्व होतं. अर्थकारण, इतिहास, संस्कृती, अध्यात्म अशा विविधांगी विषयांचा त्यांचा गाढा अभ्यास होता. देशातल्या अव्वल धुरिणांच्या मांदियाळीत त्यांचं नाव घेतलं जातं. देशाच्या ज्ञानकेंद्रित परंपरेत त्यांचं मोलाचं योगदान आहे आणि राहील. सर्वसामान्य माणसाला केंद्रस्थानी ठेऊन देशाची ध्येयधोरणं ठरवण्यात ते वाकबगार होते. याव्यतिरिक्त ऐतिहासिक दस्तावेज तरुणांपर्यंत कसे पोहोचतील यासाठीही त्यांनी अविरत काम केलं’, असं पंतप्रधानांनी आपल्या संदेशात म्हटलं आहे.

आणखी वाचा

बोरिवलीमध्ये बसच्या धडकेत वृद्धाचा मृत्यू

महाराष्ट्राचा पुढचा मुख्यमंत्री कोण होईल? राज ठाकरेंनी थेट…

रांगोळी सम्राट गुणवंत मांजरेकर यांचे निधन

पुणे : कटक मंडळाच्या रुग्णालयातील गच्चीवर मृतदेह सापडला

भंडारा : डीजे व्यावसायिकाच्या आत्महत्येला राजकीय वळण

कन्नड सुपरस्टार किच्चा सुदीपच्या आईचं निधन, वयाच्या ८६व्या वर्षी घेतला अखेरचा श्वास

‘रईस’मध्ये शाहरुख खानने साकारलेल्या भूमिकेसाठी दिवंगत इरफान खान यांनी दिलेला नकार; दिग्दर्शक म्हणाले, “त्याला चित्रपटाच्या शेवटी…”

Baba Siddique Death Case : बाबा सिद्दीकी हत्याप्रकरणात मोठी अपडेट; हल्लेखोर ‘या’ ॲपवरून करत संभाषण

Dr. Bibek Debroy Ji was a towering scholar, well-versed in diverse domains like economics, history, culture, politics, spirituality and more. Through his works, he left an indelible mark on India’s intellectual landscape. Beyond his contributions to public policy, he enjoyed… pic.twitter.com/E3DETgajLr

— Narendra Modi (@narendramodi) November 1, 2024

हेही वाचा >> ‘बीपीएल’चे संस्थापक टीपीजी नांबियार यांचे निधन

‘देबरॉय यांच्या जाण्याने देश एका ज्ञानी माणसाला मुकला’, असं केंद्रीय मंत्री धर्मेंद्र प्रधान यांनी म्हटलं आहे. ‘देशातल्या कीर्तीवंत अर्थतज्ज्ञांपैकी ते एक होते. त्यांचं लिखाण सर्वसमावेशक आणि अभ्यासपूर्ण असे. ध्येयधोरणं ठरवताना त्यांचा व्यासंग नेहमीच मार्गदर्शक ठरत असे. देशाच्या विकास प्रक्रियेत त्यांचं मोलाचं योगदान होतं. वर्तमानपत्रांमधील त्यांचं लिखाण वाचकांना समृद्ध करत असे. अर्थविश्वाला त्यांची उणीव नेहमीच भासेल’, अशा शब्दांत प्रधान यांनी आपल्या भावना व्यक्त केल्या आहेत.

Deeply saddened by the passing of Dr. Bibek Debroy. He was a distinguished economist, a prolific author as well as an excellent academician. He will be admired for his policy guidance on economic issues and noteworthy contributions to India’s development. His columns in… pic.twitter.com/y1niSMlxU7

— Dharmendra Pradhan (@dpradhanbjp) November 1, 2024

बिबेक देबरॉय यांचा जीवनप्रवास

ि

t

y

१९५५ साली जन्मलेल्या देबरॉय यांनी कोलकाता शहरातील प्रेसिडेन्सी महाविद्यालयात पदवीचं शिक्षण घेतलं. त्यानंतर राजधानी दिल्लीतल्या दिल्ली स्कूल ऑफ इकॉनॉमिक्स या संस्थेतून तसंच ट्रिनिटी महाविद्यालयातून पदव्युत्तर शिक्षण पूर्ण केलं.

जागतिकीकरणानंतर देशाच्या अर्थव्यवस्थेशी निगडीत धोरणं ठरवताना देबरॉय यांचा सिंहाचा वाटा होता. नीती आयोगाचे सदस्य राहिलेल्या देबरॉय यांनी रेल्वेच्या आधुनिकीकरणासाठी पाठपुरावा केला. त्यांनी केलेल्या सूचना अंमलात आणल्यामुळेच भारतीय रेल्वे हा उपक्रम हा जगातल्या सर्वोत्तम अशा सार्वजनिक वाहतूक उपक्रमांपैकी एक होऊ शकला.

देशाच्या शाश्वत विकासाला हातभार लागेल या दृष्टिकोनातून विदाकेंद्रित धोरणं आखण्यात त्यांचा हातखंडा होता. देशभरातील सर्वसामान्य नागरिकांना आर्थिक साक्षरतेचं महत्त्व कळावं यासाठीही त्यांनी सातत्याने काम केलं.

भारतीय पौराणिक ग्रंथांचं इंग्रजीत भाषांतर करुन त्यांनी जगासमोर नवा दृष्टिकोन मांडला. आधुनिक जगातील प्रश्न-समस्यांच्या निराकरणात भारतीय संस्कृतीने दिलेली मूल्यं आणि कार्यपद्धती चिरंतन ठरेल असा त्यांचा विश्वास होता.