मानवी तस्करीप्रकरणी अनिवासी भारतीयास तुरुंगवास

देहविक्रयाच्या हेतूने मानवी तस्करी करणाऱ्या पाच जणांच्या टोळीला ब्रिटिश न्यायालयाने एकूण ३४ वर्षांचा तुरुंगवास जाहीर केला असून त्यापैकी रमेश माळी (वय ३१) या अनिवासी भारतीयास अडीच वर्षांचा तुरुंगवास ठोठावला आहे.
वूड ग्रीन क्राऊन न्यायालयाने गेल्या आठवडय़ात हा निकाल जाहीर केला. माळीने हंगेरीहून ब्रिटनला सक्तीने आणलेल्या एका महिलेशी विवाह केला आणि तिला देहविक्रय व्यवसायात लोटल्याचे उघड झाले आहे. देहविक्री व्यवसायातील मोठी टोळीच यामुळे उघड होण्याची शक्यता आहे. या महिलेने मार्च २०१० मध्ये स्कॉटलंड यार्ड पोलिसांशी संपर्क साधून आपल्यावरील अत्याचारांची माहिती दिली होती. त्यामुळे हे प्रकरण उघडकीस आले होते.
माळी याच्याबरोबर संदूर जोनास, अनिता व्हिक्टोरिया मोले, तिचा भाऊ व्हिक्टर, तसेच बोगस विवाह लावण्यासाठी मदत करणारी वकील चिका इके मिशेल यांनाही अटक झाली आहे. संदूर जोनास आणि व्हिक्टोरिया हे दोघे परदेशातून स्त्रियांना फसवून वा सक्तीने ब्रिटनमध्ये आणत असल्याचे उघड झाले आहे. त्यांना प्रत्येकी दहा वर्षांची सजा झाली आहे. व्हिक्टर आणि अ‍ॅड. मिशेल यांना प्रत्येकी पाच वर्षांची सजा झाली आहे.

आणखी वाचा

High Court : अल्पवयीन पत्नीशी संमतीनं ठेवलेले शरीरसंबंधही बलात्कारच; मुंबई हायकोर्टाचं १० वर्षांच्या शिक्षेवर शिक्कोमोर्तब

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

अग्रलेख: नक्की काय बुलडोझ झाले?

मुंबई : गस्तीवर असलेल्या पोलीस अधिकाऱ्यावर हल्ला

तरुणाच्या कुटुंबीयांसाठी सर्वोच्च न्यायालय मदतीला; अकरा वर्षांपासून अंथरुणाशी खिळलेल्या तरुणावर आता सरकारी उपचार

महिला अत्याचार वाढले….पण, गुन्ह्यातील दोषसिद्धीचे प्रमाण मात्र……

सुनेला टीव्ही पाहू न देणे ही क्रूरता? मुंबई उच्च न्यायालयातील खटला २० वर्षांनी निकाली

‘डिलिव्हरी बॉय’कडून मुलीशी अश्लील कृत्य; पसार झालेल्या आरोपीचा शोध सुरू