लहानपणी ‘सुपर हिरो’ बनण्याचं स्वप्न, आता थेट ब्रिटनचे पंतप्रधान; जाणून घ्या ऋषी सुनक यांच्याविषयी खास गोष्टी

आर्थिक संकटांचा आधीच होता अंदाज
मागील निवडणुकीच्या काळात ऋषी सुनक आणि लिझ ट्रस यांच्यात आर्थिक प्रश्नांवरून संघर्ष निर्माण झाला होता. महागाईचं संकट आ वासून उभं असताना लिझ ट्रस यांची कर्ज घेण्याची योजना ब्रिटनच्या अर्थव्यवस्थेला अराजकतेकडे घेऊन जाईल, असा अंदाज सुनक यांनी आधीच वर्तवला होता.

आणखी वाचा

लोकमानस : सत्ताधाऱ्यांच्या लांगूलचालनाचे उदाहरण

…तर औषधाची गरजच नाही! वाचा निरोगी आयुष्य जगण्यासाठी…

जितेंद्र आव्हाड यांनी दिला मंत्री सरनाईकांना मित्रत्वाचा सल्ला

राज्यातील खंडणीच्या प्रकारांना मुख्यमंत्री, गृहमंत्री नव्हे तर कोण जबाबदार ? माजी मुख्यमंत्री पृथ्वीराज चव्हाण यांची विचारणा

Maha Kumbh Mela 2025: कुंभमेळ्यावर ब्रिटिशांनी नियंत्रण ठेवण्याचा प्रयत्न का केला होता?

डॉ. मनमोहन सिंग यांच्याबाबत अपप्रचार; माजी मुख्यमंत्री पृथ्वीराज चव्हाण यांची खंत

प्रदेशाध्यक्षपदी बावनकुळे तूर्तास कायम? स्थानिक स्वराज्य संस्थांच्या निवडणुकीपर्यंत संघटनात्मक घडी राखण्याचे प्रयत्न

महापालिका निवडणुकीसाठी महायुतीत सामील व्हा, मनसेच्या बैठकीत प्रमुख नेते मंडळींचा सूर

स्थलांतरित कुटुंबात झाला जन्म
ऋषी सुनक यांच्या आई-वडिलांनी पूर्व आफ्रिकेतून ब्रिटनमध्ये स्थलांतर केलं होतं. ते दोघेही भारतीय वंशाचे आहेत. सुनक यांचा जन्म १९८० साली इंग्लंडच्या साऊथॅम्पटनमध्ये झाला. आता ते ब्रिटनचे पहिले भारतीय वंशाचे पंतप्रधान बनले आहेत.

२०१५ मध्ये पहिल्यांदा बनले खासदार
२०१५ साली सुनक पहिल्यांदा उत्तर यॉर्कशायरमधील रिचमंड मतदारसंघातून खासदार म्हणून निवडून आले. यानंतर त्यांनी राजकीय क्षेत्रात वेगानं प्रगती केली. बोरिस जॉन्सन यांच्या नेतृत्वाखालील सरकारमध्ये सुनक यांची अर्थमंत्री म्हणून नियुक्ती करण्यात आली होती.

सुनक हे सर्वात श्रीमंत खासदारांपैकी एक आहेत…
सुनक यांची पत्नी अक्षता मूर्ती ही भारतीय अब्जाधीश नारायण मूर्ती यांची मुलगी आहे. तर सुनक यांनी स्वत: Goldman sachs बँकेत आणि दोन हेज फंड्ससाठी (hedge funds) काम केलं आहे. ‘द संडे टाइम्स’च्या एका अहवालानुसार ऋषी सुनक आणि अक्षता मूर्ती यांची एकूण संपत्ती सुमारे ७३० दशलक्ष पौंड इतकी असल्याचा अंदाज आहे.

पत्नीने कर चुकवल्याप्रकरणी वादाच्या भोवऱ्यात
अक्षता मूर्ती यांनी परदेशात केलेल्या कमाईवर ब्रिटनमध्ये कोणताही कर भरला नाही, यामुळे ऋषी सुनक वादाच्या भोवऱ्यात अडकले होते. विशेष म्हणजे जे ब्रिटनचे नागरिक नाहीत, त्यांना या करातून सूट मिळते. अक्षता मूर्ती ब्रिटनमध्ये राहत असल्या तरी त्यांनी अद्याप भारताचं नागरिकत्व सोडलं नाही. या नियमानुसार अक्षता मूर्ती ब्रिटनमध्ये कर भरण्यास पात्र नाहीत, यामुळे सुनक यांनी आपल्या पत्नीचा बचाव केला होता. या प्रकरणामुळे ऋषी सुनक वादाच्या भोवऱ्यात सापजले होते.

सुनक यांना सुपर हिरो ‘जेडी’ व्हायची इच्छा होती
ऋषी सुनक यांनी २०१६ मध्ये, एका शाळकरी मुलांच्या गटाला सांगितलं होतं की, त्यांना मोठं झाल्यावर सुपर हिरो ‘जेडी नाइट’ व्हायचं होतं. ‘द एम्पायर स्ट्राइक्स बॅक’ हा सुनक यांचा आवडता स्टार वॉर्स चित्रपट आहे.