“जालियनवाला बाग हत्याकांडाचा बदला घेण्यासाठी थेट इंग्लंडच्या राणीच्या हत्येचा कट”, एका ‘भारतीया’ला अटक

आरोपीला शस्त्रासह शाहीघराण्याच्या वास्तव्याचं ठिकाण असलेल्या विंडसर किल्ल्याच्या परिसरातून २५ डिसेंबरला अटक केली. यावेळी ब्रिटनची राणी एलिझाबेथ द्वितीय या याच किल्ल्यावर ख्रिसमसच्या सुट्टीसाठी आलेल्या होत्या. चेहरा झाकलेला आणि राणीच्या हत्येची धमकी देणारा व्हिडीओ आरोपीच्या स्नॅपचॅटवरून अपलोड करण्यात आल्याचंही समोर आलं आहे.

आणखी वाचा

कोथरूडमध्ये अनैतिक संबंधातून तरूणाचा खून, पोलिसांकडून संशयित आरोपी ताब्यात

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

अमरावती : अनैतिक संबंधातून हत्‍या, अपघाताचा बनाव

विश्लेषण : मुंबईत आयटी तरुणी हत्या, बलात्कार प्रकरणात तपासातील त्रुटींमुळे आरोपी निर्दोष… नेमके प्रकरण काय होते?

मुंबई : धारावीत तरुणाची हत्या; तिघांना अटक

उपराजधानीत तीन दिवसांत तिसरे हत्याकांड; मित्राच्या खुनाचा बदला घेत युवकाचा खून

कांजुरमार्ग येथली हत्येप्रकरणी दोघांना अटक; कांजूर मेट्रो कारशेड परिसरात सापडला होता मृतदेह

पुणे: कौटुंबिक वादातून महिलेवर कात्रीने वार करुन खून; खराडी भागातील घटना, पती अटकेत

व्हिडीओत नेमकं काय?

सोशल मीडियावर पोस्ट करण्यात आलेल्या या व्हिडीओत चेहरा झाकलेला आहे. त्यात तो म्हणतो, “१९१९ मध्ये जालियनवाला बाग हत्याकांडात ज्या लोकांचा जीव गेला त्यांचा हा बदला आहे. याशिवाय ज्या लोकांसोबत त्यांच्या वर्णावरून भेदभाव झाला, अत्याचार झाले आणि हत्या झाल्या त्या लोकांसाठी देखील हा बदला असेल. मी एक भारतीय शिख आहे. माझं नाव जसवंत सिंग चैल होतं. आज माझं नाव डार्थ जॉन्स आहे.”

शस्त्रासह आरोपीला शाही किल्ला विंडसर येथून अटक

दरम्यान, ब्रिटीश पोलिसांनी दिलेल्या माहितीनुसार ख्रिसमसच्या दिवशी पोलिसांनी विंडसर या शाही किल्ल्याच्या परिसरात घुसखोरी करणाऱ्या एका १९ वर्षीय तरुणाला अटक केली आहे. त्याच्याकडून धनुष्याप्रमाणे असलेलं क्रॉसबोव (crossbow) हे हत्यार जप्त करण्यात आला आहे. असं असलं तरी पोलिसांनी आरोपीची ओळख जाहीर केलेली नाही.

हेही वाचा : जालियनवाला बाग हत्याकांडाचे रौद्ररूप आजही भारतीयांच्या मनात कायम

आरोपीला ब्रिटनच्या मानसिक आरोग्य कायद्यानुसार अटक करण्यात आले आहे. त्याची मानसिक तपासणी केली जात आहे. यानंतर तो मानसोपचार तज्ज्ञांच्या देखरेखीखाली असेल, असं पोलिसांनी माध्यमांना दिलेल्या निवेदनात सांगितलं.