विमा पॉलिसी घेताना एचआयव्ही निगेटिव्ह असलेल्या पॉलिसीधारकांचे एड्सबाधित झाल्यानंतर करण्यात येणारे विम्याचे दावे नाकारू नका, असे स्पष्ट निर्देश विमा नियामक विकास प्राधिकरणाने देशातील समस्त विमा कंपन्यांना दिले आहेत. त्याचबरोबर एड्सबाधित लोकांसाठी स्वतंत्र विमा उत्पादने देऊ करणारे मंडळ स्थापन करण्याचेही निर्देश एका पत्रकाद्वारे दिले आहेत.
एचआयव्हीबाधित झालेल्या विमा पॉलिसीधारकांचे विम्याचे दावे निकालात काढताना विमा पॉलिसी दिली तेव्हा लागू करण्यात आलेली मार्गदर्शक तत्त्वे पाळावीत, असेही विमा नियामक विकास प्राधिकरणाने पत्रकात नमूद केले आहे.
गंभीर आजारपण असलेल्या अशा विमाधारकांसाठी विमा कंपन्यांनी वेगळी विमा उत्पादने देऊ करावीत. १ एप्रिल २०१४ पासून या पत्रकातील निर्देश अमलात आणले जातील, असेही विमा प्राधिकरणाने स्पष्ट केले आहे. त्यापूर्वी एड्सबाधित विमाधारकांसाठी स्वतंत्र विमा उत्पादने तयार करून त्यासाठी मंडळाची स्थापना संबंधित सर्व विमा कंपन्यांना करणे बंधनकारक ठरणार आहे, असेही विमा प्राधिकरणाने स्पष्ट
केले.
‘एड्सबाधित पॉलिसीधारकांचे दावे नाकारू नका ’
विमा पॉलिसी घेताना एचआयव्ही निगेटिव्ह असलेल्या पॉलिसीधारकांचे एड्सबाधित झाल्यानंतर करण्यात येणारे विम्याचे दावे नाकारू नका
या बातमीसह सर्व प्रीमियम कंटेंट वाचण्यासाठी साइन-इन करा
Already have a account? Sign in
First published on: 14-10-2013 at 03:16 IST
मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Irda draft prohibits denial of insurance cover to eligible hiv aids patients
Show comments