Church Fire : महाराष्ट्रात शिवाजी महाराजांचा पुतळा कोसळला आणि त्यावरुन विरोधक वर्षानुवर्षे उभ्या असलेल्या पुतळ्यांची उदाहरण देत आहेत. या घटना इथे घडत असताना फ्रान्समध्ये दोन महायुद्ध पाहिलेल्या चर्चला आग ( Church Fire ) लागली आहे. ज्याबाबत आता टेस्ला आणि एक्सचे सीईओ एलॉन मस्क यांनी घातपाताची शक्यता व्यक्त केली आहे. हे चर्च जळत असतानाचा व्हिडीओ सोशल मीडियावर व्हायरल झाला आहे. या आगीमुळे चर्चची ( Church Fire ) बेल खाली कोसळली आहे. एलॉन मस्क यांनी या घटनेबाबत प्रश्न उपस्थित केले आहेत. या प्रकरणी पोलिसांनी एकाला ताब्यात घेतलं आहे.
नेमकी काय घटना घडली?
फ्रान्सच्या सेंट ओमर मध्ये असलेलं १६५ वर्षांपासून उभं असलेलं चर्च जळालं ( Church Fire ) आहे. अग्निशमन दलाच्या ९० कर्मचाऱ्यांनी पाच तास अथक मेहनत करुन या चर्चला लागलेली आग नियंत्रणात आणली आहे. या चर्चला आग ( Church Fire ) का लागली ते समजू शकलेलं नाही. मात्र हे चर्च १८५४ मध्ये बांधण्यात आलं होतं. २०१८ मध्ये या चर्चचं नुतनीकरण करण्यात आलं होतं. मात्र या प्रकरणात पोलिसांनी एकाला ताब्यात घेतलं आहे.
एलॉन मस्क यांनी काय म्हटलं आहे?
टेस्लाचे प्रमुख आणि एक्सचे सीईओ एलॉन मस्क यांनी या प्रकरणी घातपातचा संशय व्यक्त केला आहे. १८५४ मध्ये हे चर्च बांधण्यात आलं होतं. या चर्चने दोन महायुद्धं पाहिली आहेत या चर्चला आग कशी लागली? ही घटना काय घडली? ही घटना म्हणजे अपघातच आहे की घातपात? असा प्रश्न एलॉन मस्क यांनी उपस्थित केला आहे. या घटनेचा व्हिडीओ सोशल मीडियावर व्हायरल झाला आहे. AFP च्या वृत्तानुसार सेंट ओमर या ठिकाणी असलेल्या या चर्चला सोमवारी सकाळी ४.३० च्या सुमारास आग लागली. यानंतर तातडीने अग्निशमन दलाचे जवान घटनास्थळी दाखल झाले. ९० जवानांनी प्रचंड मेहनतीने ही आग नियंत्रणात आणली. या घटनेत सुदैवाने जिवीतहानी झाली नाही. या प्रकरणात पोलिसांनी एकाला ताब्यात घेतलं आहे.
व्हिडीओत काय दिसतं आहे?
या घटनेचा जो व्हिडीओ व्हायरल झाला आहे त्यात आगीचे लोळ आणि धुराचे लोट दिसत होते. अग्निशमन दलाचे जवान आग नियंत्रणात आणताना दिसत आहेत. फ्री प्रेस जर्नलने हे वृत्त दिलं आहे.
