बांगलादेशातील हिंदू पुजाऱ्याची हत्या आयसिसकडूनच

साईट हा गुप्तचर गट आयसिसच्या कारवायांवर लक्ष ठेवीत असून त्यांनी म्हटले आहे की, आयसिसने ट्विटरवर या हल्ल्याची जबाबदारी स्वीकारली आहे. या दाव्याची खातरजमा करता आली नाही. मोटरसायकलवरून आलेल्या तीन हल्लेखोरांनी रॉय यांच्या घरावर दगडफेक केली, संतागौरियो मंदिराच्या परिसरात त्यांचे घर आहे. त्यानंतर हल्लेखोरांनी त्यांना लाथाबुक्क्य़ांनी तुडवले, नंतर त्यांनी त्याचा गळा चिरला. रॉय यांनी १९९८ मध्ये हे मंदिर सुरू केले होते व तेच मुख्य पुजारी होते.

हिंदू धर्मगुरूवर झालेला हा पहिला हल्ला आहे, याआधी शिया व सुफी धर्मोपदेशकांवर सहा महिन्यात अनेक हल्ले झाले आहेत.

पोलिसांनी हा हल्ला आयसिसने केल्याबाबत शंका व्यक्त केली असून प्राथमिक चौकशीनुसार जमातुल मुजाहिद्दीन बांगलादेश व जमाते इस्लामी या दोन संघटनांचा या हल्ल्यात हात आहे.